جسٹس دیپک روشن کی عدالت میں ہونے والی سماعت کے دوران درخواست گزار کی جانب سے وکیل منوج ٹنڈن نے مؤقف پیش کیا۔ ریاستی حکومت کی طرف سے معاملے میں مداخلت کی عرضی دائر کر کے پہلے سے لگی روک کو ہٹانے کی استدعا کی گئی تھی۔

معاملے کے مطابق، اتم تیواری کا سال 2018 میں اشتہار نمبر 5/2017 کی بنیاد پر داروغہ کے عہدے پر براہِ راست تقرر ہوا تھا۔ اس کے بعد محکمہ پولیس نے 9 ستمبر 2024 کو سینیارٹی لسٹ جاری کی۔ اس میں محدود محکمانہ مسابقتی امتحان کے اشتہار نمبر 9/2017 کے ذریعے سپاہی سے داروغہ بننے والے پولیس اہلکاروں کو سینیارٹی لسٹ میں اوپر رکھا گیا تھا۔

درخواست گزار کا کہنا ہے کہ ان کا تقرر داروغہ کے عہدے پر براہِ راست ہوا ہے، اس لیے سینیارٹی لسٹ میں انہیں اوپر رکھا جانا چاہیے۔

اس عرضی پر قبل ازیں سماعت کرتے ہوئے ہائی کورٹ نے 12 مئی 2026 کو 9 ستمبر 2024 کی سینیارٹی لسٹ کی بنیاد پر ہونے والی ترقی پر روک لگا دی تھی۔ اس کے بعد ریاستی حکومت نے مداخلت کی عرضی دائر کر کے ترقی پر عائد روک ہٹانے کی درخواست کی تھی۔

بدھ کے روز سماعت کے دوران عدالت نے حکومت کی اس درخواست کو تسلیم نہیں کیا اور پہلے سے لگی روک میں مداخلت کرنے سے انکار کر دیا۔ معاملے کی سماعت اب 14 ستمبر کو ہوگی۔

ہندوستھان سماچار

---------------

ہندوستان سماچار / انظر حسن