سرکاری معلومات کے مطابق، ٹیلی گرام کو 15 دنوں کے اندر اپنے شکایات کے ازالے اور اینٹی پائریسی سسٹم کے بارے میں تفصیلی کارروائی کی رپورٹ پیش کرنے کی ضرورت ہوگی۔ ہدایت نامہ اس بات پر زور دیتا ہے کہ کاپی رائٹ ایکٹ 1957 اور سنیماٹوگراف ایکٹ 1952 کے تحت ہندوستان میں کاپی رائٹ کی خلاف ورزی قابل سزا جرم ہے، اور اس کا مقصد گھریلو فلم اور او ٹی ٹی صنعت کو تحفظ فراہم کرنا ہے۔

حکومت نے پہلے پائریٹڈ مواد نشر کرنے والے 3000 ٹیلی گرام چینلز کے خلاف کارروائی کی تھی۔ ٹیلی گرام کو یاد دلایا گیا ہے کہ ایک ثالث کے طور پر اسے انفارمیشن ٹیکنالوجی ایکٹ اور قواعد کے تحت مناسب احتیاط سے کام لینا ضروری ہے۔

وزارت نے واضح کیا ہے کہ ٹیلیگرام صرف حکومت کے ذریعہ ہر پائریسی چینل کی ایک ایک کر کے سناخت کرنے کا انتظار نہیں کر سکتا۔ پائریٹڈ مواد کی مسلسل دستیابی، تعمیل میں ٹال مٹول ، یا نامکمل ردعمل قابل اطلاق قانونی فریم ورک کے تحت مزید تفتیش اور کارروائی کی دعوت دے سکتا ہے۔ یہ کارروائی ہندوستان کے کریئٹر براڈ کاسٹرز ، او ٹی ٹی پلیٹ فارمز، پروڈیوسروں اور تقسیم کاروں کے تحفظ کے لیے کی گئی ہے۔

ہندوستھان سماچار

ہندوستان سماچار / عطاءاللہ