نئی دہلی، 16 مئی (ہ س):۔

نارکوٹکس کنٹرول بیورو (این سی بی) نے منشیات کے خلاف ایک بڑے کریک ڈاون میں 182 کروڑ روپے کی کیپٹاگن ضبط کر لیا ہے۔ اس آپریشن کو آپریشن ریزپل کا نام دیا گیا۔

مرکزی وزیر داخلہ امت شاہ نے ٹویٹر پر پوسٹ کیا کہ مودی حکومت نے منشیات سے پاک ہندوستان حاصل کرنے کا عہد کیا ہے۔ انہوں نے کہا کہ این سی بی نے پہلی بار 182 کروڑ روپے کی کیپٹاگن کو ضبط کیا ہے۔ انہوں نے مزید کہا کہ یہ کھیپ مشرق وسطیٰ کے لیے بھیجی گئی تھی اور ایک غیر ملکی کو بھی گرفتار کیا گیا تھا۔

انہوں نے کہا کہ یہ کارروائی منشیات کے خلاف زیرو ٹالرنس کی پالیسی کی مثال ہے۔ انہوں نے کہا کہ بھارتی سرزمین کو ٹرانزٹ روٹ کے طور پر استعمال کرنے کے لیے کسی بھی قسم کی منشیات کی اسمگلنگ کی اجازت نہیں دی جائے گی۔ انہوں نے این سی بی افسران کو ان کی چوکسی اور بہادری پر مبارکباد دی۔

قابل غور ہے کہکیپٹا گن ایک مصنوعی محرک ہے، جو اصل میں فینیتھیلین کے نام سے جانا جاتا ہے۔ اسے 1960 کی دہائی میں عارضوں کے علاج کے لیے تیار کیا گیا تھا جیسے توجہ کی کمی ہائپر ایکٹیویٹی ڈس آرڈر اورنارکولیپسی جیسی بیماریوں کے علاج کے لئے تیار کیا گیا تھا۔ بعد میں اس کی نشہ آور نوعیت اور غلط استعمال کے امکانات کی وجہ سے بین الاقوامی سطح پر اس پر پابندی لگا دی گئی۔