وزیر اعظم کی صدارت میں ہونے والی میٹنگ میں مرکزی کمیٹی کے 18 ارکان کے علاوہ مرکزی وزراءپیوش گوئل، ایل مروگن، نینر ناگیندرن، کے اناملائی، تملائی ساو¿نڈرراجن اور وناتھی سری نواسن سمیت کئی سینئر لیڈران نے شرکت کی۔میٹنگ میں خاص طور پر انتخابی مہم کو مزید موثر بنانے، جلسوں کی تعداد بڑھانے اور تنظیم کو بوتھ کی سطح تک مضبوط کرنے پر زور دیا گیا۔ بی جے پی قیادت کا خیال ہے کہ مضبوط حکمت عملی اور جارحانہ مہم کے ذریعے پارٹی تمل ناڈو میں اچھی کارکردگی دکھا سکتی ہے۔وزیر اعظم مودی پڈوچیری میں انتخابی مہم چلانے کے بعد جمعہ کو چنئی پہنچے، جہاں انہوں نے بی جے پی اتحاد کے امیدواروں کی حمایت میں روڈ شو اور عوامی رابطہ مہم کی۔ اس کے بعد وہ چنئی واپس آئے، گوئنڈی کے ایک ہوٹل میں ٹھہرے، اور آج یہ میٹنگ کی۔قابل ذکر ہے کہ بی جے پی آل انڈیا انا دراوڑ منیترا کزگم (اے آئی اے ڈی ایم کے) کی قیادت میں اتحاد میں تمل ناڈو میں 27 سیٹوں پر الیکشن لڑ رہی ہے۔ جمعہ کو جاری کی گئی 27 امیدواروں کی فہرست میں مائلاپور سے تملائی ساو¿ندرراجن، اویناشی سے ایل مروگن، کوئمبٹور نارتھ سے وناتھی سری نواسن، ستور سے نینر ناگیندرن اور ویلوان کوڈو سے ایس وجے دھرانی شامل ہیں۔

ہندوستھان سماچار

ہندوستان سماچار / Mohammad Khan