سلطان پور، 20 مئی ( ہ س)۔ اتر پردیش کے سلطان پور ضلع کے جے سنگھ پور تھانہ علاقے میں پولیس تصادم میں پچیس ہزار روپے کا انعامی گائے کا اسمگلر زخمی ہو گیا۔ اسے علاج کے لیے اسپتال میں داخل کرایا گیا ہے۔

ایڈیشنل سپرنٹنڈنٹ آف پولیس برج نندن سنگھ نے بدھ کو بتایا کہ کل رات جے سنگھ پور تھانے کی پولیس امبیڈکر نگر سے سمری روڈ پر ہالاپور کے قریب بیریئر لگا کر مشکوک گاڑیوں کی چیکنگ کر رہی تھی۔ چیکنگ کے دوران، ایک ٹرک بہت تیز رفتاری سے قریب آیا اور بیریئر پر رکے بغیر تیزی سے آگے بڑھ گیا۔ مشکوک ہونے پر پولیس نے ٹرک کا پیچھا کیا۔ تھوڑی دور آگے بڑھنے کے بعد ٹرک کے اندر موجود ایک شخص نے پولیس ٹیم پر فائرنگ کردی۔

پولیس ٹیم نے بھی اپنے دفاع میں فائرنگ کی جس سے وہ شخص زخمی ہوگیا۔ پوچھ گچھ کرنے پر اس نے اپنا نام ونود یادو ولد راج نارائن یادو ساکن گاﺅں خواجہ پور، کھٹہن تھانہ جونپور بتایا۔ اس پر پانچ مقدمے درج ہیں، جن میں سے تین گائے کے ذبیحہ کے ہیں اور وہ گینگسٹر ایکٹ کے تحت بھی ملزم ہے۔ اس کے لیے پہلے 25000 کے انعام کا اعلان کیا جا چکا ہے۔

کچھ دن پہلے جے سنگھ پور پولیس اسٹیشن میں گائے ذبح کرنے کے واقعہ میں بھی اس کا ملوث ہونا سامنے آیا تھا۔ پولیس کی پوچھ گچھ کے دوران اس نے اعتراف کیا کہ وہ ٹرک کا استعمال گوکشی کرنے کے لئے کرتا تھا۔ اس کے قبضے سے ایک .315 بور پستول اور ایک زندہ کارتوس برآمد ہوا۔ اسے علاج کے لیے بیر سنگھ پور کے 100 بستروں کے اسپتال میں بھیجا گیا ہے، جہاں اس کا علاج چل رہا ہے۔