دھرم شالہ، 24 مئی (ہ س)۔

دوسری ٹیم رائل چیلنجرز بنگلور (آر سی بی) بھی اتوار کو انڈین پریمیئر لیگ (آئی پی ایل) کے سب سے بڑے ناک آو¿ٹ میچ یعنی کوالیفائر-1 کے لیے دھرم شالہ پہنچ گئی۔ یہ دونوں ٹیمیں 26 مئی کو ایچ پی سی اے کے دھرم شالہ اسٹیڈیم میں کوالیفائر 1 میچ کھیلیں گی، جو دنیا کے خوبصورت کرکٹ اسٹیڈیموں میں سے ایک ہے۔ دھرم شالہ میں ہونے والے اس میچ کو جیتنے والی ٹیم براہ راست فائنل میں داخل ہو جائے گی جو 31 مئی کو گجرات کے نریندر مودی کرکٹ سٹیڈیم احمد آباد میں کھیلا جانا ہے۔دھرم شالہ میں ہونے والا یہ میچ بلاک بسٹر ثابت ہوگا۔ اسٹیڈیم اس مہامقابلے کی میزبانی کے لیے پوری طرح تیار ہے، اور شائقین کرکٹ میںپہلے ہی زبردست جوش و خروش ہے۔

26 مئی کو دھرم شالہ میں کھیلے جانے والے میچ سے پہلے ہی آر سی بی کے اسٹار بلے باز وراٹ کوہلی کا کریز اپنے عروج پر ہے۔ حال ہی میں، 17 مئی کو، آر سی بی لیگ میچ کے لیے پنجاب کنگز الیون کے گھر دھرم شالہ میں تھا، جہاں اس نے میزبان پنجاب کو شکست دی۔ اس میچ میں کوہلی کو سپورٹ کرنے کے لیے ملک بھر سے شائقین کی بڑی تعداد دھرم شالہ پہنچی تھی۔ جیسے ہی کوہلی اور ان کی ٹیم دھرم شالہ کی وادیوں میں پہنچے گی دھرم شالہ ایک بار پھر کھچا کھچ بھرجائے گا۔ وراٹ کوہلی کی فین فالوونگ اتنی مضبوط ہے کہ ہماچل پردیش، پنجاب، ہریانہ اور یہاں تک کہ دہلی جیسی پڑوسی ریاستوں سے بھی مداح انہیں لائیو کھیلتے دیکھنے کے لیے بڑی تعداد میں پہنچ رہے ہیں۔

ہندوستھان سماچار

ہندوستان سماچار / Mohammad Khan