رانچی، 18 مئی (ہ س)۔ جھارکھنڈ ہائی کورٹ نے ریٹائرڈ ملازمین کو پنشن اور زیر التوا پے اسکیل فوائد فراہم نہ کرنے پر ریاستی حکومت اور محکمہ اعلیٰ تعلیم سے ناراضگی کا اظہار کیا ہے۔ عدالت نے تبصرہ دیتے ہوئے کہا کہ جن اہلکاروں نے چار دہائیوں کت اپنی خدمات دیں، انہیں ریٹائرمنٹ کے بعد بھی ان کے قانونی حقوق سے محروم رکھنا بدقسمتی اور ناقابل قبول ہے۔

جسٹس دیپک روشن کی عدالت نے بسنت کمار ساہو سمیت 15 درخواست گزاروں کی طرف سے دائر توہین عدالت کی درخواست پر سماعت کرتے ہوئے ریاستی حکومت کو سخت ہدایات جاری کیں۔ عدالت نے واضح طور پر کہا کہ اگر اگلہ سماعت ، جو22جون کو طے ہےہ، تک درخواست گزاروں کی پنشن اور پانچویں سے ساتویں پے اسکیل کی التوا کی ادائیگیاں ادا نہیں کی گئیں تو ڈائریکٹر ہائر ایجوکیشن کی تنخواہ روک لی جائے گی۔

اس کیس میں درخواست گزاروں کی نمائندگی کرنے والے وکیل پریم پجاری نے عدالت میں دلیل دی کہ ہائی کورٹ کے پہلے احکامات کے باوجود ریٹائرڈ ملازمین کو ابھی تک ان کے قانونی فوائد نہیں دیے گئے ہیں۔ عدالت نے افسران کی لاپرواہی پر برہمی کا اظہار کرتے ہوئے کہا کہ بار بار یقین دہانی کے باوجود احکامات پر عمل نہیں کیا جا رہا۔

سماعت کے دوران ڈائریکٹر ہائیر ایجوکیشن چوتھی بار عدالت میں پیش ہوئے۔ اس بار، وہ ورچوئل طریقے سےپیش ہوئے۔ پچھلی تین سماعتوں میں، انہوں نے عدالت کو یہ یقین دہانی کرائی تھی کہ درخواست گزاروں کو ان کی پنشن اور بقایا جات کی فوری ادائیگی کی جائے گی۔

ڈائریکٹر ہائر ایجوکیشن نے پہلے عدالت کو آگاہ کیا تھا کہ معاملے کو حل کرنے اور 16 ہفتوں میں ادائیگی یقینی بنانے کے لیے ایک کمیٹی تشکیل دے دی گئی ہے۔ تاہم عدالت نے اس مدت کو کم کرتے ہوئے 12 ہفتوں میں ادائیگی کی ہدایت کی۔ اس کے باوجود ابھی تک اس حکم کی تعمیل نہیں کی گئی۔

قابل ذکر ہے کہ درخواست دہندگان بی این جالان کالج اور سیسائی، گملا کے درجہ سوم اور درجہ چہارم کے ملازمین تھے۔ وہ 2022-23 میں ریٹائر ہوئے۔ ملازمین کا دعویٰ ہے کہ ریٹائرمنٹ کے بعد بھی انہیں پنشن اور چوتھے سے ساتویں پے اسکیل کے فوائد نہیں دیے جارہے ہیں، حالانکہ رانچی یونیورسٹی نے 2005 میں ان کی سروس ایڈجسٹمنٹ کی منظوری دی تھی۔

اس کے باوجود محکمہ ہائر ایجوکیشن نے ان کی سروس ایڈجسٹمنٹ کی منظوری نہیں دی۔ نتیجے کے طور پر، جبکہ اسی طرح کے عہدوں پر دوسرے ملازمین ساتویں پے اسکیل کے فوائد حاصل کر رہے ہیں، درخواست گزار اب بھی چوتھے پے اسکیل پر انحصار کرنے پر مجبور ہیں۔