سنبھل، 24 مئی (ہ س)۔ اتر پردیش کے سنبھل ضلع کے بہجوئی تھانہ علاقے میں بہجوئی پوسٹ آفس میں کام کرنے والے ڈاک اسسٹنٹ دیپک کمار کے اکاونٹ میں 4.5 کروڑ کی مشکوک ٹرانزیکشن ہوئی ہے۔ وزارت خزانہ نے لین دین کے بارے میں معلومات فراہم کی ہیں۔ جس کے بعد پولیس نے معاملے کی چھان بین کی اور کوئی تسلی بخش وضاحت نہ ملنے پر مقدمہ درج کر کے تفتیش شروع کر دی۔

بہجوئی پولس اسٹیشن کے انچارج راجیو کمار ملک نے اتوار کو بتایا کہ وزارت خزانہ کو بہجوئی محکمہ ڈاک میں ڈاک اسسٹنٹ دیپک کمار کے کھاتوں میں تقریباً 4.5 کروڑ روپے کے غیر مجاز لین دین کی اطلاع ملی ہے۔ جب پولیس نے معاملے کی جانچ کی تو اس شخص نے لین دین کے بارے میں واضح معلومات فراہم نہیں کیں۔ وہ یہ بتانے سے بھی قاصر تھا کہ رقم کہاں سے آئی۔ معاملے کی سنگینی کو دیکھتے ہوئے بہجوئی پولیس نے دیپک کمار کے خلاف انسداد بدعنوانی ایکٹ 1988 کی دفعہ 13 (1) (بی) کے تحت مقدمہ درج کر لیا ہے۔ اب معاملے کی جانچ کی جا رہی ہے۔

---------------

ہندوستان سماچار / عبدالسلام صدیقی