ایک ویڈیو سوشل میڈیا پر تیزی سے وائرل ہو رہی ہے، جس میں ایک شخص ٹہلتے ہوئے دکھائی دے رہے ہیں جبکہ ان کے پیروکار ان کے آگے اور پیچھے کولر لےکر چل رہے ہیں۔ پاکستانی صارفین کا دعویٰ ہے کہ ایک بھارتی سرکاری افسر مندر کے دورے پر اپنے ساتھ اے سی یونٹس لے گیا، قیام کے دوران انہی سے ٹھنڈک حاصل کی اور واپسی پر اے سی بھی ساتھ لے گیا۔ جس کی ویڈیو وائرل ہوگئی۔

Fact Check/Verification

ہم نے وائرل ویڈیو کے ایک فریم کو ریورس امیج سرچ کیا۔ اس دوران ہمیں یہی ویڈیو نیوز18 کے آفیشل یوٹیوب چینل پر 20 مئی 2026 کو اپلوڈ شدہ ملی۔ جس کے مطابق ویڈیو میں نظر آ رہا شخص سنت رامپال ہے، جن کے پیروکار موونگ کولر لےکر چل رہے ہیں۔

پھر ہم نے گوگل پر "سنت رامپال کولر" کیورڈ تلاش کئے۔ جہاں ہمیں وائرل ویڈیو سے متعلق 20 مئی 2026 کو شائع ہونے والی نو بھارت ٹائمس کی ایک رپورٹ ملی۔ فراہم کردہ تفصیلات کے مطابق پنجاب، ہریانہ اور راجستھان میں اپنی شناخت رکھنے والے متنازع مذہبی رہنما رامپال کی ایک ویڈیو وائرل ویڈیو ہو رہی ہے، جس میں وہ اپنے آشرم میں چہل قدمی کرتے دکھائی دے رہے ہیں، جبکہ ان کے پیروکار آگے اور پیچھے کولر اٹھائے چل رہے ہیں تاکہ انہیں گرمی محسوس نہ ہو۔

Screengrab of NBT

رپورٹ میں یہ بھی واضح لکھا ہے کہ متنازع مذہبی رہنما رامپال اپریل 2026 میں پنجاب و ہریانہ ہائی کورٹ سے ضمانت ملنے کے بعد جیل سے باہر آئے تھے اور وہ 2014 کے ایک پرتشدد مقدمے میں ہریانہ کے ہسار ضلع کی جیل میں قید تھے۔

: وجے تھلاپتی اور نواز شریف کی وائرل تصویر اے آئی سے تیار کردہ نکلی

16 اکتوبر 2018 کو شائع ہونے والی آج تک کی ایک رپورٹ کے مطابق ہریانہ کی ہسار جیل میں قائم خصوصی عدالت نے متنازع مذہبی رہنما رامپال کو قتل کے مقدمے میں عمر قید کی سزا سنائی تھی۔ عدالت نے اس سے ایک ہفتہ قبل ہی رامپال کو قتل کے دو مقدمات میں قصوروار قرار دیا تھا۔ یہ معاملہ پانچ افراد کی موت سے جڑا ہوا تھا۔