20 جولائی 2026 کو سی جے پی کی اپیل پر مبینہ نیٹ پیپر لیک اور تعلیمی نظام میں اصلاحات کے مطالبات کے سلسلے میں دہلی میں احتجاج کیا گیا۔ اس دوران مظاہرین کو جنتر منتر اور پارلیمنٹ کی جانب بڑھنے سے روکنے کے لئے دہلی پولس نے متعدد مقامات پر رکاوٹیں قائم کیں، جبکہ بعض جگہوں پر پولس اور مظاہرین کے درمیان جھڑپیں اور لاٹھی چارج کے واقعات بھی پیش آئے۔ دی پرنٹ کی ایک رپورٹ کے مطابق 100 سے زائد مظاہرین و پولس اہلکار زخمی ہوئے ہیں، جبکہ 100 سے زائد مظاہرین کو حراست میں لیا گیا ہے۔ اسی تناظر میں ایک عمارت میں لگی آگ کی پرانی ویڈیو کو حالیہ سی جے پی احتجاج سے جوڑ کر وائرل کیا جا رہا ہے۔

Fact

سی جے پی مظاہرے سے منسوب کرکے شیئر کی گئی ویڈیو کے ایک فریم کو ریورس امیج سرچ کیا۔ اس دوران ہمیں یہی ویڈیو نیوز پاپ نامی فیس بک پیج پر 20 جولائی 2026 کو شیئر شدہ ملی۔ جس کے مطابق آتش زدگی کا یہ واقعہ اتر پردیش کے دارالحکومت لکھنؤ میں واقع جواہر بھون میں پیش آیا تھا۔

پھر ہم نے مذکورہ کیورڈ گوگل پر تلاش کئے۔ جہاں ہمیں اسی واقعے کی الگ الگ اینگل سے فلمائی گئی ویڈیو کئی میڈیا رپورٹس کے ساتھ ملیں۔ ہندوستان ٹائمس اور نوبھارت ٹائمس کے مطابق پیر کی صبح لکھنؤ کے حضرت گنج میں واقع جواہر بھون کی چوتھی منزل پر آگ لگی تھی۔ جواہر بھون ایک سرکاری عمارت ہے، جہاں متعدد سرکاری محکموں کے دفاتر قائم ہیں۔ فائر بریگیڈ کی تقریباً 15 گاڑیاں موقع پر پہنچیں اور آگ پر قابو پا لیا، اس حادثے میں کسی جانی نقصان کی اطلاع نہیں ہے۔ اگرچہ سرکاری دستاویزات کو ہونے والے نقصان کی تصدیق نہیں ہوئی، تاہم حکام اس کا جائزہ لے رہے ہیں۔

وہیں ٹائمس آف انڈیا کی ایک رپورٹ میں لکھا ہے کہ فائر ڈپارٹمنٹ نے گزشتہ سال عمارت میں فائر سیفٹی کی سنگین خامیوں کی نشاندہی کرتے ہوئے نوٹس جاری کیا تھا۔ اس آگزنی کے حوالے سے دیگر میڈیا رپورٹس