Thursday, 21 Jan, 11.40 pm Qaumi Awaz

صفحہ اول
ہندوستان کے خلاف ٹیسٹ سیریز کے لیے انگلش ٹیم میں آرچر اور اسٹوکس شامل

لندن: انگلینڈ نے ہندوستان کے ساتھ آئندہ پانچ فروری سے شروع ہو رہی چارٹیسٹ میچوں کی سیریز کے لئے 16 رکنی ٹیم کا اعلان کردیا ہے جس میں جوفراآرچر، بین اسٹوکس اور روری برنس کی ٹیم میں واپسی ہوئی ہے۔ تینوں کھلاڑی پہلے دوٹیسٹ میچ کھیلیں گے جبکہ جوس بٹلر پہلا میچ کھیلنے کے بعد وطن واپس لوٹ جائیں گے۔ جانی بیرسٹو سیم کرین اور مارک ووڈ کو آرام دیا گیا ہے۔ انگلینڈ جلد ہی آخری دوٹیسٹ میچوں کے لئے بھی ٹیم کا اعلان کرے گا۔ سیریز کے پہلے دونوں میچ چنئی میں 5 سے 9 فروری اور 13 سے 17 فروری تک کھیلے جائیں گے۔

دہلی پولس نے 'ٹریکٹر ریلی' کی اجازت دینے سے کیا انکار، کسان ریلی نکالنے پر بضد

انگلینڈ کرکٹ بورڈ(ای سی بی) کے قومی سلیکٹر ایڈ اسمتھ نے بتایا کہ بیرسٹو، کرین اور ووڈ سری لنکا کے ساتھ جمعہ سے شروع ہورہے دوسرے ٹیسٹ میچ کا حصہ ہیں، وہ آرام کے لئے گھرجائیں گے اور احمدآباد میں ہندوستان کے خلاف تیسرے اورچوتھے ٹیسٹ میں واپسی کریں گے۔ انہوں نے تصدیق کی کہ بٹلر چنئی میں پہلا ٹیسٹ کھیلیں گے اور آخری تین میچوں کے لئے انہیں آرام دیا جائے گا۔ اس کی وجہ سے دوسرے میچ میں انگلینڈ کے وکٹ کیپر بلے باز بین فوکس وکٹ کیپنگ کی ذمہ داری اداکرسکتے ہیں۔ اس کے بعد تیسرے اور چوتھے میچ میں بیرسٹو دوبارہ یہ ذمہ داری سنبھالیں گے۔ کورونا سے نبرد آزما ہونے کے بعد گالے میں دونوں ٹیسٹ سے باہر ہونے والے آف اسپنر معین علی کو بھی ٹیم میں شامل کیا گیا ہے۔

عالمی آواز: ٹرمپ کی شکست میں ہمارے لئے بہت سے سبق ہیں ... سید خرم رضا

ایڈ اسمتھ نے کہا کہ انگلینڈ بھی بیماری یا چوٹوں کو ذہن میں رکھتے ہوئے ہندوستان دورے میں چھ اضافی کھلاڑی لے کر جائے گا، جوسری لنکا کے خلاف کھیلی جارہی سیریز میں دستیاب ہیں۔ اگرکوئی کھلاڑی زخمی نہیں ہوتا ہے تو موجودہ سری لنکا دورے پر ساتویں اضافی کھلاڑی کریگ اوورٹن گالے میں دوسرے ٹیسٹ کے بعد وطن واپس لوٹ جائیں گے۔

گجرات: 'لینڈ جہاد' مفروضہ پر قائم 'ڈسٹربڈ ایریا ایکٹ 2020' پر ہائی کورٹ کی روک

پہلے دو ٹیسٹ میچوں کے لیے انگلینڈ کی ٹیم اس طرح ہے: جوروٹ(کپتان)جوفرا آرچر معین علی، جیمس انڈرسن، ڈوم بیس، اسٹورٹ براڈ، روری برنس، جوس بٹلر، جیک کراولی، بین فوکس، ڈین لارینس، جیک لیچ، بین اسٹوکس، آلی اسٹون اور کرس واکس شامل ہیں۔

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Qaumiawaz urdu
Top