Monday, 25 Jan, 8.40 am Qaumi Awaz

صفحہ اول
دہلی سردی اور کہرے کی آغوش میں

قومی دار الحکومت دہلی کے علاقے میں اتوار کی صبح سے جو زبردست سردی شروع ہوئی تھی وہ ابھی بھی جاری ہے۔ کل کافی سردی رہی اور زبردست کہرے کے سبب حد نگاہ تک کچھ دکھائی نہیں دیا ۔کہرے کی وجہ سے کل 18 ریل گاڑیوں کے چلنے میں تاخیر ہوئی۔ محکمہ موسمیات نے آئندہ چار دنوں تک متوسط سے کافی گھنا کہرا چھائے رہنے کا امکان ظاہر کیا ہے۔ دارالحکومت میں اتوار کی صبح درجہ حرارت نو ڈگری اور درجہ حرارت کے کم ہونے کے سبب عوام کو شدید ٹھنڈ کا سامنا کرنا پڑا ہے۔

دارالحکومت میں اتوار کو ہوا کا معیار کافی خراب کٹیگری کا درج کیا گیا ہے۔ دارالحکومت کے درجہ حرارت میں مشرقی ہواؤں (پروائی) کے سبب تھوڑا اضافہ درج کیا گیا ہے۔

سڑکوں کےکنارے فٹپاتھ پر جگہ جگہ مزدوروں کو الاؤ جلاتےدیکھا گیا ۔ ادھر کل دہلی میں لوگ بھی کم ہی اپنے گھر سے نکلے۔ دوسری جانب دہلی کی سرحدوں پر کسان گھر بار چھوڑ کر شدید سردی میں احتجاج کررہےہیں۔گزشتہ تین دنوں میں کسانوں کی تعداد میں زبردست اضافہ ہوا ہےاور سرحدپر صرف ٹریکٹر اور ٹرالیاں ہی نظر آ رہی ہیں۔

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Qaumiawaz urdu
Top