Wednesday, 02 Dec, 11.50 am Qaumi Awaz

صفحہ اول
کوشامبی میں خوفناک سڑک حادثہ، 8 افراد ہلاک، 2 کی حالت تشویش ناک

کوشامبی: اترپردیش کے ضلع کوشامبی کے شیتلادھام کڑا علاقے میں بدھ کے روز علی الصبح ایک خوفناک سڑک حادثے میں ایک اسکارپیو کار میں سوار چھ خواتین سمیت 8 افراد کی موت ہوگئی اور دو افراد شدید زخمی ہوگئے۔ پولیس ذرائع نے بتایا کہ یہ واقعہ دیوی گنج چوراہے پر اس وقت پیش آیا جب سڑک پر کھڑی اسکورپیو کار کو ریت سے سے لدے ایک تیز رفتار ٹرک نے ٹکر ماردی۔ ٹکر اتنی شدید تھی کہ کار الٹ گئی اور بری طرح تباہ ہوگئی اور اس میں سوار لوگ شدید طور سے زخمی ہو گئے۔

پٹرول اور ڈیزل کی قیمتوں میں اضافہ کا سلسلہ جاری

انہوں نے بتایا کہ پولیس کے جائے حادثہ تک پہنچنے سے قبل ہی کار میں سوار 6 خواتین اور ایک بچے نے دم توڑ دیا، جبکہ ڈرائیور کو تشویش ناک حالت میں باہر نکالا گیا، تاہم اسپتال پہنچنے سے قبل ہی اس نے بھی دم توڑ دیا۔ حادثے میں زخمی ہونے والے دو نوجوانوں کو ڈسٹرکٹ اسپتال میں داخل کرایا گیا ہے جہاں ان کی حالت تشویش ناک بتائی جا رہی ہے۔ وزیراعلی یوگی آدتیہ ناتھ نے سڑک حادثے پر گہرے رنج و غم اور سوگوار خاندانوں سے اظہار تعزیت اور زخمیوں کے مناسب علاج کا حکم دیا۔

ذرائع نے بتایا کہ ہلاک ہونے والے لوگ کو کھراج علاقہ کے شہزاد پور گاؤں سے دیوی گنج مارکیٹ میں واقع مہیشوری گارڈن میں شادی کی تقریب میں شرکت کے لئے آئے تھے۔ واپس جاتے ہوئے ڈرائیور راستہ بھٹک گیا اور کار کو چوراہے پر ہی کھڑی کردی۔ اسی اثنا میں کار میں بیٹھا ایک شخص کار سے نیچے سے اتر کر راہگیروں سے پوچھنے لگا کہ تبھی اسکارپیو ریت سے لدے ٹرک کی زد میں آگئی۔

امریکی اٹارنی جنرل نے 'انتخابات میں دھاندلی' کے الزامات کو مسترد کر دیا

انہوں نے بتایا کہ مرنے والوں میں پونم (22)، سونا (27)، مسکان (54)، نیہا (28)، روشنی (50) اور ششی (40) شامل ہیں۔ اس کے علاوہ اس حادثے میں آٹھ سالہ اوم اور کار ڈرائیور کی بھی موت ہوگئی۔ ڈرائیور کی شناخت کے لئے کوششیں کی جا رہی ہیں۔ زخمیوں میں خوشی (16) اور شویتا (13) کو تشویشناک حالت میں ڈسٹرکٹ اسپتال میں داخل کرایا گیا ہے۔ حادثے کے بعد ٹرک ڈرائیور گاڑی چھوڑ کر فرار ہوگیا، جس کی تلاش کی جا رہی ہے۔

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Qaumiawaz urdu
Top