FacebookTwitter

تاثیر 20 مئی۲۰۲۶:- ایس -ایم- حسن

نئی دہلی، 20 مئی: کانگریس نے آج مرکزی حکومت پر الزام عائد کیا کہ وہ گریٹ نکوبار جزیرے پروجیکٹ کے بارے میں ماحولیاتی خدشات کو اٹھانے والوں کو چین کے حامی قرار دے کر مدعے سے بھٹکانے کی کوشش کر رہی ہے۔

پارٹی میں کمیونیکیشن محکمہ کے انچارج جنرل سکریٹری جے رام رمیش نے سوشل میڈیا پلیٹ فارم ایکس پر پوسٹ کرتے ہوئے کہا کہ حکومت کا رویہ اپنے مخالفین کو بدنام کرنے کے مترادف ہے۔ لداخ میں 2020 کے واقعات کے بعد، حکومت کے رخ کے بارے میں کئی خدشات سامنے آئی تھیں۔ ہندوستان اور چین کے درمیان بات چیت کے دوران، کچھ علاقوں میں روایتی گشت اور حقوق سے متعلق دفعات میں تبدیلیاں ہوئی ہیں۔ انہوں نے تجارتی خسارے اور اسٹریٹجک تحفظات کا بھی ذکر کیا۔