FacebookTwitter

تاثیر 27 مئی۲۰۲۶:- ایس -ایم- حسن

نئی دہلی، 27 مئی:سپریم کورٹ نے بہار میں ووٹر لسٹوں کی خصوصی گہری نظر ثانی (ایس آئی آر ) کرانے کے الیکشن کمیشن کے فیصلے کو برقرار رکھا ہے۔ چیف جسٹس سوریہ کانت کی سربراہی والی بنچ نے یہ فیصلہ سناتے ہوئے کہا کہ ایس آئی آر کو صرف اس لیے غیر قانونی قرار نہیں دیا جا سکتا کہ یہ ووٹر لسٹوں کی عام نظر ثانی کے عمل سے مختلف ہے۔ سپریم کورٹ نے ایس آئی آر کو درست اور آئینی عمل قرار دیا۔

عدالت نے کہا کہ یہ عمل قانونی طور پر درست ہے۔ عدالت نے کہا کہ الیکشن کمیشن کی طرف سے کرایا گیا ایس آئی آر آزادانہ اور منصفانہ انتخابات کے آئینی ہدف کے مطابق ہے۔ الیکشن کمیشن کو یہ حق حاصل ہے کہ وہ ووٹر لسٹ میں شامل یا خارج ہونے کو یقینی بنانے کے لیے کسی کی شہریت کی تصدیق کرے۔