اس معاملہ کی سماعت کے لیے جسٹس شاہد وحید، جسٹس نعیم اختر افغان اور جسٹس شکیل احمد پر مشتمل تین ججوں کا بنچ تشکیل دیا گیا ہے۔ اپنی درخواست میں عظمیٰ نے کہا کہ جیل میں عمران کی صحت بگڑ رہی ہے۔ انہوں نے ان کی صحت اور زندگی سے متعلق اس معاملے کو بہت اہم قرار دیا۔ انہوں نے کہا کہ عدالت کے 18 اگست کے حکم کو جان بوجھ کر اس کی حقیقی روح میں نافذ نہیں کیا گیا۔ عدالت نے انہیں شفاء انٹرنیشنل اسپتال بھیجنے کی ہدایت کی تھی۔ اس کے بجائے انہیں پاکستان انسٹی ٹیوٹ آف میڈیکل سائنسز (پی آئی ایم ایس) لے جایا گیا۔