جمعرات کو میڈیا سے بات کرتے ہوئے پردیپ بھنڈاری نے کہا کہ پنجاب میں تین لاکھ سے زیادہ سرکاری ملازمین مختلف مقامات پر دھرنا دے رہے ہیں، جن میں تقریبا 35 فیصد خواتین ہیں۔ ان کا الزام ہے کہ عام آدمی پارٹی نے 18 فیصد ڈی اے کا وعدہ کیا تھا لیکن ابھی تک اس پر عمل درآمد نہیں کیا گیا۔ انہوں نے کہا کہ اگر ملازمین کا ڈی اے 24 گھنٹے کے اندر جاری نہ کیا گیا تو یہ واضح ہو جائے گا کہ عام آدمی پارٹی کی حکومت ملازمین کے وقار اور حقوق کے ساتھ کھیلواڑ کررہی ہے۔