FacebookTwitter

تاثیر 01 جون۲۰۲۶:- ایس -ایم- حسن

پیرس، یکم جون:برازیل کے نوجوان ٹینس اسٹار جواؤ فونسیکا نے فرنچ اوپن 2026 میں اپنی شاندار کارکردگی جاری رکھتے ہوئے آخری-16 کے مقابلے میں دو بار کے رنر اپ کیسپر رُوڈ کو شکست دے کر کوارٹر فائنل میں جگہ بنا لی۔ کوارٹر فائنل میں اب فونسیکا کا مقابلہ چیک جمہوریہ کے نوجوان کھلاڑی یعقوب میشک سے ہوگا۔

19 سالہ فونسیکا نے سنسنی خیز مقابلے میں رُوڈ کو 7-5، 7-6 (10/8)، 5-7، 6-2 سے شکست دی۔ رولان گیروس کے نائٹ میچ میں حاصل ہونے والی اس جیت کے ساتھ انہوں نے اپنے کیریئر میں پہلی بار کسی گرینڈ سلیم کے کوارٹر فائنل میں جگہ بنائی۔
فونسیکا نے اس ٹورنامنٹ میں پہلے ہی دنیا کے عظیم کھلاڑی نوواک جوکووچ کو شکست دے کر تہلکہ مچا دیا تھا۔ اس کے بعد انہوں نے کیسپر رُوڈ کے خلاف بھی شاندار کھیل پیش کرتے ہوئے اپنی صلاحیت کا لوہا منوایا۔