ذرائع:مغربی ایشیا میں کشیدگی دن بہ دن بڑھتی جا رہی ہے۔ جمعہ کے روز کویت میں واقع اہم تیل صاف کرنے والی ریفائنری مینا الاحمدی پر ایران نے ڈرون حملہ کیا جس کے نتیجے میں علاقے میں بڑے پیمانے پر آگ بھڑک اٹھی اس بات کی اطلاع کویت پیٹرولیم کارپوریشن نے دی۔ادارے کے مطابق آگ پر قابو پانے کے لیے فائر بریگیڈ کا عملہ کوششیں کر رہا ہے۔ اس حملے میں کسی جانی نقصان کی اطلاع نہیں ملی ہے۔ مینا الاحمدی دنیا کے سب سے بڑے آئل ریفائنریوں میں سے ایک ہے اور کویت کی تیل پیداوار کے لیے نہایت اہم ہے۔ یہاں روزانہ تقریباً 3,46,000 بیرل تیل پیدا کیا جاتا ہے۔ اسی کے ساتھ لاکھوں بیرل ڈیزل اور دیگر صاف شدہ ایندھن ایشیا اور یورپ کی منڈیوں کو برآمد کیے جاتے ہیں، جو حکومت کے لیے ایک اہم آمدنی کا ذریعہ ہے۔ اگر یہ ریفائنری نہ ہو تو پیدا ہونے والے خام تیل کو صاف کرنا ممکن نہیں ہوگا جس کی وجہ سے کنوؤں کو بند کرنا پڑ سکتا ہے۔ یہاں سے بھارت سمیت دنیا کے کئی ممالک تیل درآمد کرتے ہیں۔ مغربی ایشیا میں بڑھتی کشیدگی کے پیش نظر بھارت نے فی الحال کویت سے تیل کی درآمدات روک دی ہیں۔