تلنگانہ رکشنا سینا کی صدر کلواکنٹلہ کویتا نے عادل آباد ریمس اسپتال کے ایس این سی یو میں آتشزدگی کے واقعہ کا معائنہ کیا، جس میں پانچ نومولود بچوں کی جان گئی تھی۔ کویتا نے حکومت کو اس سانحہ کا ذمہ دار قرار دیتے ہوئے متاثرہ خاندانوں کو فی کس 50 لاکھ روپے معاوضہ دینے کا مطالبہ کیا۔ انہوں نے زخمی بچوں کے علاج کے اخراجات بھی حکومت کی جانب سے ادا کرنے کی اپیل کی۔ کویتا نے اسپتال میں ڈاکٹروں اور عملے کی کمی، طبی سہولیات کی قلت اور زیرِ التوا بقایاجات پر بھی تشویش ظاہر کی۔ انہوں نے عادل آباد کے سرکاری اسپتالوں کی صورتحال کا فوری فارنسک آڈٹ کرانے اور اسپتال کے ڈائرکٹر کو معطل کرنے کا مطالبہ کیا۔انہوں نے حکومت سے ایک ماہ کے اندر عادل آباد میں طبی سہولیات بہتر بنانے کا مطالبہ کرتے ہوئے کہا کہ متاثرین کو انصاف ملنے تک جدوجہد جاری رکھی جائے گی۔