آئی ٹی ایم بزنس اسکول نے اے آئی پر مبنی بزنس لیڈرس تیار کرنے کے مقصد سے اپنا نیا فل ٹائم ''ایم بی اے اِن اپلائیڈ اے آئی'' پروگرام لانچ کیا ہے۔

آئی ٹی ایم بزنس اسکول نے اے آئی پر مبنی بزنس لیڈرس تیار کرنے کے مقصد سے اپنا نیا فل ٹائم ''ایم بی اے اِن اپلائیڈ اے آئی'' پروگرام لانچ کیا ہے۔ اس پروگرام کا مقصد طلبہ کو ایسے بزنس پروفیشنلز کے طور پر تیار کرنا ہے جو آرٹی فیشل انٹیلی جنس، آٹومیشن اور اسمارٹ بزنس سسٹمز کے ساتھ مؤثر طریقے سے کام کر سکیں۔ افتتاحی تقریب میں انڈسٹری ماہرین، ماہرین تعلیم اور میڈیا نمائندوں نے شرکت کی، جہاں مستقبل کے کاروبار میں اے آئی کے بڑھتے ہوئے کردار پر تبادلۂ خیال کیا گیا۔

پروگرام کے دوران پروفیسر آر ایس منی نے کہا کہ موجودہ دور میں اے آئی پر مبنی مینجمنٹ ایجوکیشن کی مانگ تیزی سے بڑھ رہی ہے۔ آئی ٹی ایم گروپ کے ٹرسٹی اور سی ای او نتن پُٹچا نے مختلف صنعتوں میں اے آئی کے بڑھتے ہوئے اثرات اور نئے کیریئر مواقع پر اپنے خیالات پیش کیے۔ ڈاکٹر لکشمی موہن (ڈائریکٹر)نے کہا''آرٹی فیشل انٹیلی جنس اب مستقبل کی چیز نہیں رہی، بلکہ یہ آج کاروبار کے کام کرنے اور فیصلے لینے کے طریقے کو تبدیل کر رہی ہے۔ آئی ٹی ایم میں ہمارا ماننا ہے کہ آنے والے وقت کے مینجمنٹ پروفیشنلز کو نہ صرف اے آئی کو سمجھنا چاہئے بلکہ اسے کاروبار میں صحیح طریقے سے نافذ کرنا بھی آنا چا ہئے۔''