اسٹار ایتھلیٹ پوجا سنگھ نے ہائی جمپ کا قومی ریکارڈ توڑ گولڈ میڈل حاصل کیا جو۱۴؍ سال قبل ان کی کوچ نے قائم کیا تھا، انہوں نے ایک اعشاریہ ۹۳؍میٹر کی چھلانگ لگا کر سنہ۲۰۱۲ء میں سہانہ کماری کے قائم کردہ ایک اعشاریہ ۹۲؍ میٹر کے پرانے ریکارڈ کو پیچھے چھوڑ دیا۔

ہانگ کانگ میں ایشین انڈر ۲۰؍ایتھلیٹکس چیمپئن شپ کے دوران ہندوستان کی۱۹؍ سالہ اسٹار ایتھلیٹ اور ہائی جمپنگ اسٹار پوجا سنگھ نے جمعہ کو۱۴؍ سال پرانا قومی ریکارڈ توڑ کر تاریخ رقم کر دی۔ انہوں نےایک اعشاریہ ۹۳؍میٹر کی چھلانگ لگا کرسنہ۲۰۱۲ء میں سہانہ کماری کے قائم کردہ ایک اعشاریہ ۹۲؍میٹر کے پرانے ریکارڈ کو پیچھے چھوڑ دیا۔دلچسپ بات یہ ہے کہ سہانہ کماری خود پوجا کی کوچ ہیں اور اس موقع پر ان کے ساتھ تھیں جب پوجا نے گولڈ میڈل جیتا ۔یہ ایشین انڈر۲۰؍ چیمپئن شپ میں ان کا دوسرا تمغہ ہے۔ پوجا نے کامن ویلتھ گیمز۲۰۲۶ء کے لیے کوالیفائنگ معیار(ایک اعشاریہ ۹۲؍میٹر ) کو بھی عبور کر لیا۔ تاہم، وہ ایشین جونیئر ریکارڈ ایک اعشاریہ ۹۶؍میٹر ) سے محض ایک قدم دور رہ گئیں۔پوجا کی یہ کامیابی اس دن حاصل ہوئی جب ہندوستانی ایتھلیٹس نے انڈر ۲۰؍ چیمپئن شپ میں چار گولڈ میڈل سمیت کل سات تمغے جیتے۔

Soaring to new heights!

Stellar performance by TOPS athlete Pooja to win Gold at the Asian U20 Athletics Championships. Her 1.93m jump breaks the National Record. Wishing her the best for a bright future! pic.twitter.com/xYTkAzYk5D

پوجا کا تعلق ہریانہ کے ضلع فتح آباد کے گاؤں بوسٹی سے ہے۔ ان کے والد ایک مزدور ہیں۔ پوجا نے معمولی پس منظر سے تعلق رکھتے ہوئے جدوجہد کی ۔ان کے پاس اعلیٰ تربیت کے وسائل نہیں تھے۔ انہیں سب سے پہلے ان کے گاؤں کے کوچ بلوان سنگھ پترا نے دیکھا، جو انہیں یوگا اور جمناسٹک ٹرینی کے طور پر اپنی اکیڈمی لائے۔ انہوں نے پوجا کی لچک، دھماکہ خیز طاقت اور ٹانگوں کی مضبوطی کو دیکھا۔ ان کی پہلی چھلانگ صرف۹۰؍ سینٹی میٹر تھی، مگر اس نے کوچ کو متاثر کیا۔ وہ بان کی چھڑی اور چاول کی بھوسی اور گھاس سے بنی بوریوں پر مشق کرتی تھیں، جو ان کی لینڈنگ میٹ کا کام کرتی تھیں۔بعد ازاںہندوستانی ڈسکس لیجنڈ سیمہ انٹل نے ان کی اکیڈمی کو پیشہ ورانہ لینڈنگ میٹ فراہم کرنے میں مدد کی۔