واشنگٹن ۔ 15 مئی (ایجنسیز) امریکی فوج کے مشرق وسطیٰ میں اعلیٰ عہدیدار نے ایران کے خلاف امریکہ اور اسرائیل کی چالیس دن تک لڑی جانے والی جنگ کی کامیابیوں کا ذکر کرتے ہوئے کہا ہے ‘ہم نے ایران کے خلاف تمام فوجی اہداف حاصل کر لیے ہیں۔ حتیٰ کہ خطے میں ایران کی اثر انداز ہو سکنے کی طاقت کو بھی کمزور کر دیا ہے۔’امریکی فوجی عہدے دار کی طرف سے یہ دعویٰ جمعرات کے روز ایسے وقت میں کیا گیا ہے جب امریکی صدر ٹرمپ چین کے دورے پر ہیں اور چین کی طرف سے آبنائے ہرمز کھولنے کا مطالبہ سامنے آیا ہے۔امریکی فوجی عہدے دار نے کہا اب ایران پہلے کی طرح وسیع پیمانے پر حملے کرنے کی صلاحیت نہیں رکھتا ہے۔ امریکی سینٹ کام کے چیف ایڈمرل براڈ کوپر نے مزید کہا ایرانی دفاعی صنعت کو بھی 90 فیصد تک تباہ کر دیا گیا ہے۔ اب برسوں تک ایران اس پوزیشن میں نہیں آ سکے گا کہ اپنی اس صلاحیت کو بحال کرے۔