دوباک ۔ 21 مئی (سیاست ڈسٹرکٹ نیوز)دُوباک حلقہ اسمبلی سے متعلق چیف منسٹر ریلیف فنڈ کے چیکس کی تقسیم کا اہتمام مقامی ایم ایل اے کے کیمپ آفس میں کیا گیا۔ اس اہم تقریب کے دوران حلقے کے 108 مستحقین میں چیکس تقسیم کیے گئے۔ حکومت کی جانب سے اس بار مجموعی طور پر 26 لاکھ روپے کی مالی امداد منظور کی گئی ہے۔اس موقع پر مقامی ایم ایل اے، کوٹھا پربھاکر ریڈی نے خطاب کرتے ہوئے کہا کہ چیف منسٹر ریلیف فنڈ غریب اور متوسط طبقے کے خاندانوں کے لیے کسی نعمت سے کم نہیں ہے۔ یہ فنڈ خاص طور پر طبی اخراجات کے بوجھ کو کم کرنے میں انتہائی مددگار ثابت ہو رہا ہے۔انہوں نے مزید کہا کہ حکومت معاشی مشکلات اور بیماریوں سے نبردآزما عوام کے ساتھ مضبوطی سے کھڑی ہے۔