اسلام آباد ۔23؍اگست ( ایجنسیز )شام کے وزیر خارجہ کے دورہ پاکستان کو دونوں ممالک کے دوطرفہ تعلقات میں نئے باب کا آغاز قرار دے دیا گیا۔میڈیاکے مطابق سیاسی، سیکیورٹی اور اقتصادی تعاون مزید مضبوط بنانے پر تبادلہ خیال کیا گیا۔ پاکستان نے شام کی خودمختاری اور مقبوضہ گولان کے معاملے پر شام کے مؤقف کی حمایت کا اعادہ کیا ۔میڈیاکے مطابق پاکستان نے ادلب کے ابوالظہور ہوائی اڈے پر اسرائیلی حملوں کی مذمت کی۔ دورے کے دوران اسعد حسن الشیبانی نے وزیراعظم شہباز شریف، نائب وزیر اعظم اسحاق ڈار سے ملاقاتیں کیں۔ شامی وزیر خارجہ نے فیلڈ مارشل عاصم منیر اور دیگر اعلیٰ حکام سے بھی اہم ملاقاتیں کیں۔الشیبانی نے 'مکہ دفاعی معاہدے' کا خیرمقدم اور پاکستان کے علاقائی کردار کی تعریف کی۔