حیدرآباد میں نامور وکیل خواجہ معز الدین کو مبینہ طور پر منصوبہ بندی کے تحت قتل کردیا گیا۔ حملہ آور کے سی سی ٹی وی تصاویر منظر عام پر آگئے ہیں اطلاعات کے مطابق چار نامعلوم افراد صبح سے ہی ان کے گھر کے قریب گھات لگائے بیٹھے تھے اور موقع ملتے ہی نمبر پلیٹ کے بغیر اسکارپیو گاڑی سے ٹکر مار کر انہیں ہلاک کردیا۔
واقعہ کے بعد حملہ آور فرار ہوگئے۔ پولیس نے معاملہ کو سنجیدگی سے لیتے ہوئے ملزمین کی گرفتاری کیلئے پانچ خصوصی ٹیمیں تشکیل دی ہیں اور مختلف مقامات پر تلاشی مہم جاری ہے۔ ابتدائی تحقیقات میں واقعہ کو منصوبہ بند حملہ قرار دیا جارہا ہے جبکہ سی سی ٹی وی فوٹیج اور دیگر شواہد کی مدد سے تحقیقات آگے بڑھائی جارہی ہیں۔
واضح رہے که حیدرآباد کے مانصاحب ٹینک علاقے میں ٹکر دے کر سینئر وکیل خواجہ معز الدین کا قتل کردیا گیا۔یہ واقعہ ہفتہ کے روز پیش آیا جب سینئر وکیل اپنے گھر سے باہر نکلے اور اپنی گاڑی کی ڈرائیور سیٹ میں بیٹھنے والے
تھے کہ اسی دوران ایک ایس یو وی تیز رفتاری سے آئی اور انہیں ٹکر دے دی۔ ٹکر اتنی شدید تھی کہ وہ ہوا میں اچھل کر سڑک پر چند میٹر دور جا گرے۔ انہیں شدید چوٹیں آئیں اور فوری طور پر ہاسپٹل منتقل کیا گیا وہ زخموں سے جانبر نہ
ہوسکے۔ پولیس نے اس معاملہ میں قتل کا کیس درج کرلیا ہے اور مختلف زاویوں سے تحقیقات کی جارہی ہے۔ معلوم ہوا ہے کہ وہ وقف اراضیات کے مقدمات کی پیروی کررہے تھے۔