ایرانی سرکاری میڈیا نے حال ہی میں اس خفیہ مرکز کی ویڈیوز جاری کی ہیں، جن میں ایران کی مسلح افواج کے چیف آف اسٹاف علی عبداللہی اور آئی آر جی سی ایرو اسپیس فورس کے کمانڈر ماجد موسوی کو زیرِ زمین سرنگوں کا دورہ کرتے اور فوجی اہلکاروں سے خطاب کرتے ہوئے دکھایا گیا ہے۔ تاہم اس مرکز کے مقام اور دورے کی تاریخ ظاہر نہیں کی گئی۔

اس موقع پر علی عبداللہی نے خبردار کیا کہ اگر دشمن نے ایران پر حملہ کیا تو اس کا جواب خطے کی حدود سے بھی آگے تک دیا جائے گا۔ انہوں نے کہا کہ ایران کے پاس موجود جدید ترین میزائل دشمنوں کو حیران کردیں گے۔ ان کا مزید کہنا تھا کہ مستقبل میں کسی بھی ممکنہ تصادم کی صورت میں تعیناتی کے لیے ایران کے پاس اضافی فوجی صلاحیتیں بھی موجود ہیں۔