حیدراباد : حیدرآباد کے راجیو گاندھی انٹرنیشنل ایرپورٹ پر کسٹمز حکام کی سخت تلاشی مہم کے دوران بھاری مقدار میں منشیات برآمد کی گئی۔
بینکاک سے آنے والے ایک مسافر کے قبضے سے تقریباً 10 کروڑ روپے مالیت کی 10 کلو ہائیڈروپونک گانجہ ضبط کی گئی۔اطلاعات کے مطابق بینکاک سے حیدرآباد پہنچنے والی پرواز کے مسافروں کے سامان کی کسٹمز ایئر انٹلیجنس شعبہ کی جانب سے اسکیننگ کی جارہی تھی،
اسی دوران ایک مسافر کے بیگ پر حکام کو شبہ ہوا۔ تفصیلی تلاشی لینے پر بیگ کے اندر خصوصی پیکٹوں میں چھپائی گئی اعلیٰ معیار کی 10 کلو ہائیڈروپونک گانجہ برآمد ہوئی۔حکام کے مطابق بین الاقوامی بازار میں اس منشیات کی مالیت تقریباً 10 کروڑ روپے بتائی جارہی ہے
۔کسٹمز حکام نے منشیات اسمگل کرنے والے ملزم کو فوری گرفتار کرکے شمش آباد ایئرپورٹ پولیس کے حوالے کردیا۔ پولیس نے ملزم کے خلاف این ڈی پی ایس ایکٹ کے تحت مقدمہ درج کرکے تحقیقات تیز کردی ہیں۔