ডিজিটেল ডেস্ক: আজিকালি অধিকাংশ শিশুয়েই দিনটোৰ বেছিভাগ সময় টিভি, ভিডিঅ' গেম আৰু ম'বাইল ফোনৰ সন্মুখত অতিবাহিত কৰে।কিন্তু শেহতীয়া এক অধ্যয়নত পোহৰলৈ আহিছে ভয়াৱহ তথ্য।হয়, অত্যাধিক সময় পৰ্দাত অতিবাহিত কৰাটো শিশুৰ স্নায়বিক বিকাশ আৰু সামাজিকীকৰণ দুয়োৰে বাবেই ক্ষতিকাৰক।শৈশৱ আৰু কৈশোৰত দূৰদৰ্শন, ভিডিঅ' গেম, ম'বাইল ফোন আৰু টেবলেটৰ সন্মুখত অত্যাধিক সময় অতিবাহিত কৰিলে ই জীৱনশৈলীত গুৰুতৰ প্ৰভাৱ পেলায়।

কি আছে গৱেষণাত ?

কুপিঅ'ৰ ইষ্টাৰ্ণ ফিনলেণ্ড বিশ্ববিদ্যালয়ত এণ্ড্ৰিউ আগবাজেৰ নেতৃত্বত আৰু ইউৰোপিয়ান ছ'চাইটি অফ কাৰ্ডিঅ'লজী কংগ্ৰেছ ২০২৩ত উপস্থাপন কৰা এক নতুন অধ্যয়ন অনুসৰি, প্ৰাপ্তবয়স্ক হোৱাৰ আৰম্ভণিতে বেছিকৈ বহি থকা শিশুৰ হৃদযন্ত্ৰৰ ক্ষতি হোৱাৰ আশংকা বহু পৰিমাণে বৃদ্ধি হয়।

এই গৱেষণাই ১৯৯০ আৰু ১৯৯১ চনত জন্ম হোৱা ১৪,৫০০ নৱজাতকৰ স্বাস্থ্য আৰু জীৱনশৈলী প্ৰাপ্তবয়স্ক জীৱনলৈকে অধ্যয়ন কৰা হৈছিল। অধ্যয়নটোৰ শিশুসকলৰ ভিতৰত ৭৬৬ জন (৫৫ শতাংশ ছোৱালী আৰু ৪৫ শতাংশ ল'ৰা)ক ১১ বছৰ বয়সত এটা স্মাৰ্ট ঘড়ী পিন্ধিবলৈ কোৱা হৈছিল, যিয়ে তেওঁলোকৰ কাৰ্যকলাপ সাত দিনৰ বাবে নিৰীক্ষণ কৰিছিল। তেওঁক ১৫ বছৰ বয়সত আৰু পুনৰ ২৪ বছৰ বয়সত ইয়াক পুনৰাবৃত্তি কৰিবলৈ কোৱা হৈছিল। সমান্তৰালভাৱে, প্ৰতিজন অংশগ্ৰহণকাৰীৰ বাওঁ ভেণ্ট্ৰিকলৰ এক ইকোকাৰ্ডিঅ'গ্ৰাফিক বিশ্লেষণ ১৭ আৰু ২৪ বছৰ বয়সত লোৱা হৈছিল, যাক তাৰ পিছত উচ্চতা, লিংগ, ৰক্তচাপ, শৰীৰৰ চৰ্বি, ধঁপাত ব্যৱহাৰ, শাৰীৰিক সক্ৰিয়তা আৰু আৰ্থসামাজিক স্থিতিৰ বাবে মিলাই লোৱা হৈছিল।

এই অধ্যয়নত দেখা পোৱা মতে, ১১ বছৰ বয়সত অংশগ্ৰহণকাৰীসকলে প্ৰতিদিনে গড়ে ৩৬২ মিনিটৰ বাবে গতিহীন হৈ আছিল। ই কৈশোৰত (১৫ বছৰ) প্ৰতিদিনে ৪৭৪ মিনিটলৈ বৃদ্ধি হয় আৰু তাৰ পিছত প্ৰাপ্তবয়স্ক অৱস্থাত প্ৰতিদিনে ৫৩১ মিনিটলৈ (২৪ বছৰ) বৃদ্ধি হয়। এই গতিহীন সময়ৰ অধিকাংশ সময়েই তেওঁলোকে পৰ্দাৰ সন্মুখত অতিবাহিত হৈছিল। আটাইতকৈ গুৰুত্বপূৰ্ণ কথাটো এয়ে যে, ইকোকাৰ্ডিঅ'গ্ৰাফীয়ে যুৱ লোকসকলৰ হৃদযন্ত্ৰৰ ওজন ক্ৰমাণ্বয়ে বৃদ্ধি হৈছিল।যিয়ে, তেওঁলোকে প্ৰাপ্তবয়স্ক হোৱাৰ পিছত হৃদআক্ৰমণ আৰু ষ্ট্ৰ’কৰ সম্ভাৱনা বৃদ্ধি কৰে।