IPL 2026 playoff qualification scenario: IPL 2026 ની પ્લેઓફની રેસ હવે ખૂબ જ રોમાંચક બની ગઈ છે. એક તરફ 3 ટીમો ટોપ-2 માં જગ્યા બનાવવા માટે લડી રહી છે, તો બીજી તરફ ચોથા સ્થાન માટે 5 ટીમો વચ્ચે કાંટાની ટક્કર છે. આજે રાજસ્થાન રોયલ્સ (RR) અને લખનૌ સુપર જાયન્ટ્સ (LSG) વચ્ચે મહત્વની મેચ રમાવા જઈ રહી છે. આ મેચના પરિણામ પર માત્ર આ બે ટીમોની જ નહીં, પરંતુ અન્ય 4 ટીમોની પણ નજર છે.
જો રાજસ્થાન રોયલ્સ જીતે તો આ 4 ટીમોની બાજી બગડશે, જાણો પ્લેઓફનું આશ્ચર્યજનક સમીકરણ
ABP અસ્મિતા 1 week ago
જો RR જીતશે તો કોનું ટેન્શન વધશે?
રાજસ્થાન રોયલ્સ પાસે હાલમાં 12 મેચમાંથી 12 પોઈન્ટ છે. જો તેઓ આજે લખનૌ સામે જીત મેળવશે, તો 13 મેચમાં તેમના 14 પોઈન્ટ થઈ જશે. જો રાજસ્થાન 14 પોઈન્ટ સુધી પહોંચી ગયું, તો દિલ્હી કેપિટલ્સ અને ચેન્નાઈ સુપર કિંગ્સની હાલત સૌથી કફોડી બનશે, કારણ કે આ બંને ટીમો વધુમાં વધુ 14 પોઈન્ટ સુધી જ પહોંચી શકે તેમ છે.
આથી, ચેન્નાઈ અને દિલ્હી પોતાની છેલ્લી મેચ જીતી જાય તો પણ તેમને એ જ ડર સતાવશે કે જો રાજસ્થાન પણ છેલ્લી મેચ જીતી ગયું તો તેઓ બહાર ફેંકાઈ જશે. વળી, રાજસ્થાનનો નેટ રન રેટ પણ ચેન્નાઈ અને દિલ્હી બંને કરતા ઘણો સારો છે, જે તેમને સીધો ફાયદો કરાવશે.
મુંબઈને ડબલ ઝટકો: પ્લેઓફની રેસ બાદ હવે આ બે ખેલાડી ટીમમાંથી થયા બહાર, જાણો કારણ
પંજાબ અને કોલકાતા કેમ મનાવી રહ્યા છે રાજસ્થાનની હાર?
બીજી બાજુ પંજાબ કિંગ્સ અને કોલકાતા નાઈટ રાઈડર્સની વાત કરીએ તો, આ બંને ટીમો મહત્તમ 15 પોઈન્ટ સુધી પહોંચી શકે તેમ છે. જો આજે લખનૌની ટીમ રાજસ્થાનને હરાવી દે, તો પંજાબ અને કોલકાતા સૌથી વધુ ખુશ થશે.
કારણ સ્પષ્ટ છે, જો આજે રાજસ્થાન હારશે તો કોલકાતા અને પંજાબનો પ્લેઓફમાં જવાનો રસ્તો થોડો આસાન બની જશે. એકંદરે જોઈએ તો, આજની મેચમાં માત્ર ને માત્ર રાજસ્થાનની હારમાં જ ચેન્નાઈ, પંજાબ, દિલ્હી અને કોલકાતા એમ ચારેય ટીમોનો ફાયદો છુપાયેલો છે.
જો આજે LSG સામે હારશે તો શું રાજસ્થાન રોયલ્સ પ્લેઓફમાંથી બહાર થશે? સમજો સમીકરણ
Author : gujarati.abplive.com
Dailyhunt
Disclaimer: This content has not been generated, created or edited by Dailyhunt. Publisher: ABP Asmita