તેવામાં ક્રાઇમ બ્રાન્ચના એસીપી ભરત પટેલ અને ઇન્સ્પેક્ટર ઠાકરની ટીમને બાતમી મળી હતી કે, બાપુનગર અજિત મિલ ચાર રસ્તા પાસેના સુમેલ-8 ખાતે એક યુવક પાસે ગાંજાનો જથ્થો છે. પોલીસે તાત્કાલિક રેડ કરી બે કિલો ગાંજો અને અન્ય મુદ્દામાલ સહિત કુલ રૂ. 1.07 લાખનો મુદ્દામાલ કબજે કરી મોહમદ સાદાબ મોહમદ જુનેદ આદમ શેખ (ઉં.વ. 24, રહે. હાઉસિંગ બોર્ડના મકાનમાં, આવાસ ઘરની પાછળની ગલી, હરદાસનગર પોલીસ ચોકી પાછળ, બાપુનગર; મૂળ સીતામઢી, બિહાર)ને ઝડપી લીધો હતો. ગાંજાના જથ્થા અંગે તેની પૂછપરછ કરતાં તેના એક સાથીદાર મોહમદ તુફેલ મોહમદ મુસ્તાક શેખ (રહે. બાપુનગર)ની વિગતો મળી હતી. જેને પગલે પોલીસે તેને ઝડપી લેવા ચક્રો ગતિમાન કર્યા છે.

ધોળકા અને ઈસનપુરના વોન્ટેડ આરોપી ઝડપાયા

ધોળકામાંથી મહિના પહેલા ઝડપાયેલા કફ સિરપના કેસમાં ઝાકીર સગીર શેખ (31, રહે. જમાલપુર, ગાયકવાડ હવેલી) ફરાર હતો. તેની વિગતો ક્રાઇમ બ્રાન્ચને મળતાં ક્રાઇમ બ્રાન્ચની ટીમે તેને ઝડપી લીધો હતો. આ ઉપરાંત ક્રાઇમ બ્રાન્ચના ઇન્સ્પેક્ટર નિખિલ બ્રહ્મભટ્ટની ટીમે એટીએસ તથા ઇસનપુરમાં નોંધાયેલા એનડીપીએસના ગુનામાં વોન્ટેડ આરોપી મહેંદ સાદિક ઉર્ફે સજ્જુ હમદ રફીક પઠાણ (ઉં.વ. 44, રહે. ઇસનપુર)ને ઝડપી લીધો હતો અને તેના ગુના અંગેની તપાસ શરૂ કરી છે.