જે મંજૂર કરાઈ હતી. હવે આ નવા પોલીસ સ્ટેશન માટે એક બિન હથિયારી પોલીસ ઈન્સ્પેક્ટર (PI), બે બિન હથિયારી પોલીસ સબ ઈન્સ્પેક્ટર (PSI), ૨૧ બિન હથિયારી પોલીસ કોન્સ્ટેબલ અને ૯ હથિયારી પોલીસ કોન્સ્ટેબલ મળીને કુલ ૩૩નું નવું મહેકમ મંજૂર કરાયું છે. સરકારે વર્ષ ૨૦૨૬-૨૭ના બજેટમાં આ નવી ૩૩ જગ્યાઓ ઊભી કરવા માટે કુલ રૂ.૧.૪૧ કરોડની જોગવાઈ કરીને તે અંગેની વહીવટી મંજૂરી પણ આપવામાં આવી છે. મહેસાણા શહેર બી ડિવિઝન અને મહેસાણા તાલુકાના પોલીસ સ્ટેશનની હદમાં આવતા કેટલાક વિસ્તારોનો સમાવેશ આ નવા સી ડિવિઝન પોલીસ સ્ટેશનમાં કરવામાં આવશે. ટૂંક સમયમાં સૂચિત આ નવું પોલીસ સ્ટેશન કાર્યરત થવાથી અન્ય પોલીસ સ્ટેશનોની કામગીરીનું ભારણ ઘટશે અને શહેરીજનોને પણ પોલીસની સેવાઓ ઝડપથી મળતી થશે.