જો સંપૂર્ણ સ્વસ્થ થશે તો તેને ટેસ્ટમાં સ્થાન મળી શકે તેમ છે. જોકે, ૩૧ વર્ષીય રબાડાને હેમસ્ટ્રિંગમાં ગ્રેડ-થ્રી ટિયરને કારણે બે મહિના સુધી મેદાનની બહાર રહે તેવી શક્યતા છે. સાઉથ આફ્રિકાને ઓસ્ટ્રેલિયા વિરુદ્ધ ૩ ટેસ્ટ મેચ રમવાની છે જેની શરૂઆત આગામી ૯ ઓક્ટોબરે ડરબનમાં થશે. તે પછી બીજી ટેસ્ટ ગકેબરહામાં ૧૮મી ઓક્ટોબરથી અને ત્રીજી ટેસ્ટ ૨૭ ઓક્ટોબરથી કેપટાઉનમાં રમાનાર છે.
રબાડાનો ઓસ્ટ્રેલિયન ટીમ સામે ટેસ્ટ રેકોર્ડ ઘણો શાનદાર રહ્યો છે. તેણે ૧૧ મેચમાં ૨૧.૩૯ની એવરેજથી ૫૮ વિકેટ ઝડપી છે. રબાડા બહાર થયો છે જ્યારે અન્ય એક ઝડપી બોલર નાન્દ્રે બર્જરની રિકવરી પર પણ ટી મેનેજમેન્ટ નજર રાખી રહ્યું છે જે પોતાની પીઠની ઇજામાંથી સ્વસ્થ થઈ રહ્યો છે. જોકે, ટીમ પાસે ગેરાલ્ડ કોએટ્ઝી અને કોર્બિન બોશ જેવા ઝડપી બોલરના રૂપમાં વિકલ્પ છે.