આ મુદ્દે આયોજકો અને બજરંગ દળના કાર્યકરો વચ્ચે બોલાચાલી થતાં મામલો અત્યંત ઉગ્ર બન્યો હતો. કાર્યકરોએ વિધર્મીઓની ઓળખ અને પ્રવેશ અંગે આકરા સવાલો ઉઠાવ્યા હતા.

સામે પક્ષે ગરબા મહોત્સવના આયોજકોએ ખુલાસો આપતાં જણાવ્યું હતું કે, ગરબા રમી રહેલા વિધર્મી વ્યક્તિઓ કોઈ બહારના તત્વો નથી પરંતુ કોલેજ અને કેમ્પસના જ નિયમિત સ્ટાફનો ભાગ છે. જોકે, નવરાત્રિમાં વિધર્મી લોકોના ગરબા રમવા અંગે સ્થાનિક સ્તરે અને સોશિયલ મીડિયા પર આ વાયરલ વિડીયોને લઈને ભારે ચર્ચા અને ગરમાવો જોવા મળી રહ્યો છે.