'ನಾವು ಈಗಲೇ ಇಲ್ಲಿಂದ ಹೋದರೂ ಕೂಡ, ಇರಾನ್ ಮತ್ತೆ ಮೊದಲಿನ ಸ್ಥಿತಿಗೆ ಬರಲು 20ರಿಂದ 25 ವರ್ಷಗಳು ಬೇಕು. ಆದರೆ, ನಾವು ಇನ್ನೂ ನಮ್ಮ ಕೆಲಸ ಮುಗಿಸಿಲ್ಲ. ಹಾಗಾಗಿ, ಈಗಲೇ ನಾವು ಇಲ್ಲಿಂದ ಹೋಗುವುದಿಲ್ಲ' ಎಂದು ಹೇಳಿದ್ದಾರೆ.

ನಟಾಂಜ್ ಬಳಿಯಿರುವ ಇರಾನ್‌ನ ಭೂಗತ ಪರಮಾಣು ಸಮೃದ್ಧೀಕರಣ ಘಟಕವು ಅಮೆರಿಕದ ಮುಂದಿನ ಗುರಿಯಾಗಿದೆ. ಇನ್ನೂ ಕೆಲವೇ ದಿನಗಳಲ್ಲಿ ಅದನ್ನು ನಾಶಪಡಿಸಲಿದ್ದೇವೆ ಎಂದು ತಿಳಿಸಿದ್ದಾರೆ.

ಹೊರ್ಮುಜ್ ಜಲಸಂಧಿಯಲ್ಲಿನ ವಾಣಿಜ್ಯ ಹಡಗುಗಳ ಮೇಲೆ ಇರಾನ್ ದಾಳಿ ಮಾಡದಂತೆ ತಡೆಯಲು ಅವರ ಸೇನಾ ನೆಲೆಗಳ ಮೇಲೆ ದಾಳಿ ಮಾಡಿ, ಅಲ್ಲಿನ ಮೂಲಸೌಕರ್ಯಗಳನ್ನು ನಾಶ ಮಾಡಿದ್ದೇವೆ ಎಂದು ಅಮೆರಿಕ ಸೇನೆ ತಿಳಿಸಿದೆ.

ಇರಾನ್ ಜೊತೆಗಿನ ಕದನ ವಿರಾಮ ಮಾತುಕತೆಯ ನಡುವೆಯೂ, ಅಮೆರಿಕವು ಸತತ 11 ದಿನಗಳ ಕಾಲ ಇರಾನ್ ಮೇಲೆ ರಾತ್ರಿ ದಾಳಿ ನಡೆಸಿದೆ.