ಸಂಕ್ಷಿಪ್ತ ಮಾಹಿತಿ - ಪೂರ್ಣ ವಿವರಣೆಗೆ ಕ್ಲಿಕ್ ಮಾಡಿಪ್ರಮುಖ ಮುಖ್ಯಾಂಶಗಳ ಸಂಕ್ಷಿಪ್ತ ಸಾರಾಂಶ

ಜಪಾನ್ ಜೀವನ ದುಬಾರಿ: ಮೂವರಿರುವ ಕುಟುಂಬಕ್ಕೆ ಬೇಕು ತಿಂಗಳಿಗೆ ₹ 2.9 ಲಕ್ಷ!

ಒಂದು ಸಾಲಿನಲ್ಲಿಜಪಾನ್‌ ರಾಜಧಾನಿ ಟೋಕಿಯಾದಲ್ಲಿ ಮೂವರು ಸದಸ್ಯರಿರುವ ಮಧ್ಯಮ ವರ್ಗದ ಕುಟುಂಬವೊಂದು ನೆಮ್ಮದಿಯಿಂದ ಜೀವನ ನಡೆಸಲು ತಿಂಗಳಿಗೆ ಕನಿಷ್ಠ ₹ 2.9 ಲಕ್ಷ ಅಗತ್ಯ ಎಂದು ವರದಿಯಾಗಿದೆ.

ಸುನಾಕ್ಷಿ ಶರ್ಮಾ ಅವರ ಮಾಸಿಕ ಖರ್ಚುಗಳ ವಿವರ ಹೀಗಿದೆ...

• * ಮನೆ ಬಾಡಿಗೆ (ವಿದ್ಯುತ್, ನೀರು ಇತ್ಯಾದಿ)- ಸುಮಾರು ₹ 1.16 ಲಕ್ಷ
  * ಮಗನ ಡೇ-ಕೇರ್ (ಪಾಲನಾ ಕೇಂದ್ರ)- ಅಂದಾಜು ₹ 58,000
  * ಭಾರತೀಯ ಆಹಾರ ದಿನಸಿ- ಸುಮಾರು ₹ 58,000-87,000
  * ಸಾರಿಗೆ ಅಥವಾ ವಾಹನ ನಿರ್ವಹಣೆ- ₹ 29,000-58,000

ಮೂವರು ಸದಸ್ಯರ ಕುಟುಂಬ ಜೀವನ ನಡೆಸಬೇಕಾದರೆ ಕನಿಷ್ಠ ₹ 2.9 ಲಕ್ಷ ಬೇಕು ಎಂದು ಹೇಳಿದ್ದಾರೆ. ಇಲ್ಲಿ ಭಾರತೀಯ ದಿನಸಿ ಪದಾರ್ಥಗಳಿಗೆ ಹೆಚ್ಚಿನ ಬೆಲೆ ಇರುತ್ತದೆ ಎಂದು ಅವರು ವಿವರಿಸಿದ್ದಾರೆ.

ವಿಡಿಯೊಗೆ ನೆಟ್ಟಿಗರ ಪ್ರತಿಕ್ರಿಯೆಗಳು...

ಸುನಾಕ್ಷಿ ಶರ್ಮಾ ಅವರ ವಿಡಿಯೊಗೆ ನೆಟ್ಟಿಗರಿಂದ ಮಿಶ್ರಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಕೆಲವರು ಭಾರತದ ಮೆಟ್ರೊ ನಗರಗಳಿಗೆ ಹೋಲಿಸಿದರೆ ಇದು ದುಬಾರಿ ಎನಿಸಿದರೂ, ಟೋಕಿಯಾದಲ್ಲಿ ಸಂಬಳ ಕೂಡ ಹೆಚ್ಚಿರುತ್ತದೆ ಎಂದು ವಾದಿಸಿದ್ದಾರೆ.

ಸಾರ್ವಜನಿಕ ಸಾರಿಗೆ ಉತ್ತಮವಾಗಿರುವ ಟೋಕಿಯೊದಂತಹ ನಗರದಲ್ಲಿ ಸ್ವಂತ ಕಾರು ಇಟ್ಟುಕೊಳ್ಳುವುದು ಮತ್ತು ನಗರದ ಮಧ್ಯಭಾಗದಲ್ಲೇ ವಾಸಿಸುವುದು ಖರ್ಚನ್ನು ಹೆಚ್ಚಿಸುತ್ತದೆ ಎಂದು ಇನ್ನು ಕೆಲವರು ಹೇಳಿದ್ದಾರೆ.

ಬಹಳಷ್ಟು ಜನರು ವಿದೇಶಿ ಜೀವನ ಮೇಲ್ನೋಟಕ್ಕೆ ಸುಂದರವಾಗಿ ಕಂಡರೂ, ಅಲ್ಲಿ ದಿನನಿತ್ಯದ ಖರ್ಚುಗಳು ಸವಾಲಿನದ್ದಾಗಿರುತ್ತವೆ ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ.

ಮುಂಬೈನ ಅಂಧೇರಿ ಪಶ್ಚಿಮ ಪ್ರದೇಶದಲ್ಲಿರುವ ಐಷಾರಾಮಿ ಜೀವನಕ್ಕೂ ಟೋಕಿಯೊ ನಗರದ ಮಧ್ಯ ಭಾಗದಲಿರುವ ಪ್ರದೇಶಗಳಲ್ಲಿನ ಬಾಡಿಗೆ ದರಕ್ಕೆ ಹೋಲಿಕೆ ಮಾಡಲಾಗಿದೆ. ಅಂಧೇರಿಯಲ್ಲಿ ಇದೇ ರೀತಿಯ ಜೀವನಶೈಲಿಗೆ ತಿಂಗಳಿಗೆ ₹ 1.2 ಲಕ್ಷ ಬಾಡಿಗೆ ಇರುತ್ತದೆ ಎಂದು ಕೆಲವರು ಪೋಸ್ಟ್ ಮಾಡಿದ್ದಾರೆ.