ನೇಪಾಳ: ತ್ರಿಶೂಲಿ ಕಣಿವೆಯಲ್ಲಿ ಸಂಭವಿಸಿದ ಭೀಕರ ಪ್ರವಾಹದ ವೇಳೆ ತ್ರಿಭುವನ್ ತ್ರಿಶೂಲಿ ಸೆಕೆಂಡರಿ ಶಾಲೆಯ ಪ್ರಾಂಶುಪಾಲ ರಾಜೇಂದ್ರ ದಾವಡಿ ಅವರ ತ್ವರಿತ ನಿರ್ಧಾರವು 1,643 ವಿದ್ಯಾರ್ಥಿಗಳ ಪ್ರಾಣ ಉಳಿಸಿದೆ.
ಹಿಮನದಿ ಕುಸಿತದಿಂದ ಉಂಟಾದ ಈ ದಿಢೀರ್ ಪ್ರವಾಹವು ಶಾಲೆಯನ್ನು ಕೊಚ್ಚಿಕೊಂಡು ಹೋಗುವ ಕೆಲವೇ ನಿಮಿಷಗಳ ಮೊದಲು ಅವರು ಮಕ್ಕಳನ್ನು ಸುರಕ್ಷಿತವಾಗಿ ಸ್ಥಳಾಂತರಿಸಿದ್ದರು.
ಸಕಾಲಿಕ ಎಚ್ಚರಿಕೆ: ಬೆಳಗ್ಗೆ 9:20ರ ಸುಮಾರಿಗೆ ಸ್ನೇಹಿತರೊಬ್ಬರು ಹಾಗೂ ಪೋಷಕರಿಂದ ಪ್ರವಾಹದ ಭೀಕರತೆಯ ಮುನ್ಸೂಚನೆ ಸಿಕ್ಕ ಕೂಡಲೇ, ದಾವಡಿ ಶಾಲೆಯ ಗಂಟೆ ಬಾರಿಸಿ ತಕ್ಷಣದ ಸ್ಥಳಾಂತರಕ್ಕೆ ಆದೇಶಿಸಿದರು.
ರೋಚಕ ರಕ್ಷಣೆ: ಶಾಲೆಯ ಕಾಂಕ್ರೀಟ್ ಕಟ್ಟಡವು ನೀರಿನಲ್ಲಿ ಮುಳುಗುವ ಮುನ್ನವೇ ಮಕ್ಕಳು ಮತ್ತು ಶಿಕ್ಷಕರು ಕಾಲ್ನಡಿಗೆಯಲ್ಲಿ ಎತ್ತರದ ಪ್ರದೇಶಕ್ಕೆ ಓಡಿ, ಮರಗಳ ಕೆಳಗೆ ಆಶ್ರಯ ಪಡೆದರು.
ಇಬ್ಬರು ಸಿಬ್ಬಂದಿ ಸಾವು: ಶಾಲೆಯ ಎಲ್ಲಾ 1,643 ವಿದ್ಯಾರ್ಥಿಗಳು ಸುರಕ್ಷಿತವಾಗಿ ಪಾರಾಗಿದ್ದರೂ, ಉಪಹಾರ ತಯಾರಿಸಲು ಮತ್ತು ಬಾಗಿಲು ಮುಚ್ಚಲು ಕೊನೆಯ ಕ್ಷಣದಲ್ಲಿ ವಾಪಸಾದ ಶಾಲೆಯ ಇಬ್ಬರು ಸಿಬ್ಬಂದಿ (ಶಿಕ್ಷಕ ಸಂತೋಸ್ ಪರಿಯಾರ್ ಮತ್ತು ಅಟೆಂಡರ್ ಸುಲ್ತಾನ್ ಲಾಮಾ) ಪ್ರವಾಹಕ್ಕೆ ಬಲಿಯಾದರು.
ಪ್ರವಾಹದ ಭೀಕರತೆ:ಲ್ಯಾಂಗ್ಟಾಂಗ್ ಲಿರುಂಗ್ ಶಿಖರದಿಂದ 50 ಎಕರೆಗೂ ಹೆಚ್ಚು ವಿಸ್ತೀರ್ಣದ ಮಂಜುಗಡ್ಡೆ ಮತ್ತು ಬಂಡೆಗಳು ನದಿಗೆ ಕುಸಿದುಬಿದ್ದ ಪರಿಣಾಮ ಈ ದುರಂತ ಸಂಭವಿಸಿದ್ದು, ನೇಪಾಳದಲ್ಲಿ ನೂರಾರು ಜನರು ಮೃತಪಟ್ಟಿದ್ದಾರೆ.