സ്പെയിൻ:ഫുട്ബോള്‍ ഇതിഹാസം ലയണല്‍ മെസ്സിയുടെ കിരീടനേട്ടങ്ങളില്‍ മറ്റൊരർഹമായ അംഗീകാരം കൂടി. സ്പെയിനിന്റെ ഏറ്റവും അബിമാനകരമായ പുരസ്കാരങ്ങളിലൊന്ന് സ്വന്തമാക്കി മെസ്സി വീണ്ടും ചരിത്രം കുറിച്ചിരിക്കുകയാണ്.
കായികരംഗത്തെ മികവിന് നല്‍കുന്ന സ്പെയിനിന്റെ 'പ്രിൻസസ് ഓഫ് അസ്റ്റൂറിയാസ് അവാർഡ്' (Princess of Asturias Award) ലയണല്‍ മെസ്സിക്ക് ലഭിക്കുകയുണ്ടായി.
സ്പെയിനിന്റെ നൊബേല്‍ സമ്മാനമെന്ന് വിശേഷിപ്പിക്കപ്പെടുന്ന ഈ ഉന്നത ബഹുമതി വ്യക്തിഗതമായി നേടുന്ന ആദ്യ ഫുട്ബോള്‍ കളിക്കാരനെന്ന ചരിത്ര നേട്ടമാണ് അർജന്റീനിയൻ സൂപ്പർ താരം സ്വന്തമാക്കിയിരിക്കുന്നത്.
സ്പാനിഷ് രാജകുടുംബം നേരിട്ട് നല്‍കുന്ന ഈ പുരസ്കാരം, അതാത് മേഖലകളിലും സമൂഹത്തിലും സമാനതകളില്ലാത്ത സംഭാവനകള്‍ നല്‍കിയ വ്യക്തികളെ ആദരിക്കുന്നതിനായാണ് ഏർപ്പെടുത്തിയിരിക്കുന്നത്.
ഫുട്ബോളിലെ ചരിത്രവും സ്പെയിനുമായുള്ള ബന്ധവും
ചരിത്രത്തില്‍ ഇതിനുമുമ്പ് ഫുട്ബോള്‍ രംഗത്തുനിന്ന് ചിലർക്ക് ഈ പുരസ്കാരം ലഭിച്ചിട്ടുണ്ടെങ്കിലും അവയെല്ലാം സംയുക്തമായാണ് നല്‍കിയിരുന്നത്.
2010-ല്‍ ഫിഫ ലോകകപ്പ് വിജയത്തിന് ശേഷം സ്പാനിഷ് ദേശീയ ടീമിനും, 2012-ല്‍ സ്പാനിഷ് ഫുട്ബോള്‍ ഇതിഹാസങ്ങളായ ഐക്കർ കാസിലാസ്, സാവി ഹെർണാണ്ടസ് എന്നിവർക്കും സംയുക്തമായാണ് ഈ അവാർഡ് ലഭിച്ചിട്ടുള്ളത്.
എന്നാല്‍ ആദ്യമായാണ് ഒരു ഫുട്ബോള്‍ താരം വ്യക്തിഗതമായി ഈ സുവർണ്ണ നേട്ടത്തിന് അർഹനാകുന്നത്.
അർജന്റീനയെ അന്താരാഷ്ട്ര തലത്തില്‍ പ്രതിനിധീകരിക്കുമ്പോഴും മെസ്സിക്ക് സ്പാനിഷ് പൗരത്വമുണ്ട്. തന്റെ 13-ാം വയസ്സില്‍ ബാഴ്സലോണയുടെ പ്രശസ്തമായ 'ലാ മാസിയ' അക്കാദമിയില്‍ ചേരാനായാണ് മെസ്സി സ്പെയിനിലേക്ക് ചേക്കേറിയത്.
2005 സെപ്റ്റംബറില്‍ സ്പാനിഷ് പാസ്‌പോർട്ട് നേടിയ മെസി, കരിയറിന്റെ സിംഹഭാഗവും ചെലവഴിച്ചതും കറ്റാലൻ വമ്പന്മാർക്കൊപ്പമുള്ള സുവർണ്ണ കാലഘട്ടം ആഘോഷിച്ചതും സ്പെയിന്റെ മണ്ണിലാണ്.
മെസ്സിയുടെ വിസ്മയകരമായ കരിയർ നേട്ടങ്ങള്‍
ആധുനിക ഫുട്ബോളിന്റെ മുഖം തന്നെ മാറ്റിമറിച്ച മെസ്സിയുടെ അസാധാരണ കരിയറിലെ പൊൻതൂവലാണ് ഈ പുരസ്കാരം.
റെക്കോർഡുകള്‍
47 കിരീടങ്ങളുമായി ലോകത്ത് ഏറ്റവും കൂടുതല്‍ ടീം ട്രോഫികള്‍ നേടിയ താരം.
ബാഴ്സലോണയ്ക്കൊപ്പം 10 ലാ ലിഗ കിരീടങ്ങളും 4 യുവേഫ ചാമ്പ്യൻസ് ലീഗ് വിജയങ്ങളും.
അർജന്റീനയ്ക്കൊപ്പം 2022 ഫിഫ ലോകകപ്പ് വിജയവും കോപ്പ അമേരിക്ക കിരീടങ്ങളും.
എട്ട് ബാലണ്‍ ഡി ഓർ പുരസ്കാരങ്ങളും ആറ് യൂറോപ്യൻ ഗോള്‍ഡൻ ബൂട്ടുകളും.
ഔദ്യോഗിക സീനിയർ കരിയറില്‍ 936 ഗോളുകള്‍.
ഫുട്ബോളിന് മെസ്സി നല്‍കിയ അവിസ്മരണീയ സംഭാവനകളെയും, കായിക ലോകം കണ്ട എക്കാലത്തെയും മികച്ച കളിക്കാരനായി അദ്ദേഹം വളർന്ന സ്പെയിനുമായുള്ള അദ്ദേഹത്തിന്റെ ആത്മബന്ധത്തെയുമാണ് ഈ പുരസ്കാരം അംഗീകരിക്കുന്നത്.
Comments
About the Author
Editor
What do you feel about this?
0%Love0%Funny0%Wow0%Sad0%Angry
Continue Reading
Previous: അവനെക്കാള്‍ മികച്ച താരം മെസിയാണ്: അർജന്റീന ഇതിഹാസം