ഒരാഴ്ച മുൻപാണ് കാരക്കുടിയില്‍ ചിത്രീകരണം ആരംഭിച്ചത്. തമിഴില്‍ ധനുഷിനൊപ്പം അഭിനയിക്കുന്ന ഓം പൂർത്തിയാക്കിയ ശേഷമാണ് ഇന്ന് മമ്മൂട്ടി പുതിയ ചിത്രത്തിന്റെ ലൊക്കേഷനിലെത്തിയത്. പതിവ് ലുക്കില്‍ മുണ്ടും ഷർട്ടും ധരിച്ചെത്തിയ മമ്മൂട്ടിയുടെ ചിത്രം ഇതിനകം തന്നെ സോഷ്യല്‍മീഡിയയില്‍ വൈറലാണ്.

കാരക്കുടിയില്‍ 50 ദിവസവും തുടർന്ന് എറണാകുളത്തുമാണ് ചിത്രീകരണം നിശ്ചയിച്ചിട്ടുള്ളത്. കളങ്കാവല്‍ എന്ന ബ്ളോക് ബസ്റ്റർ ചിത്രത്തിനുശേഷം മമ്മൂട്ടി കമ്പനി നിർമ്മിക്കുന്ന ഒൻപതാമത്തെ ചിത്രമാണിത്. ആക്ഷൻ കോമഡി എന്റർടെയ്നറായിരിക്കുമെന്നാണ് പുറത്ത് വരുന്ന വിവരം. മമ്മൂട്ടി കമ്പനി നിർമ്മിക്കുന്ന ഏറ്റവും ചെലവേറിയ ചിത്രമെന്ന പ്രത്യേകതയും ഉണ്ട്. ജീൻ പോള്‍ ലാല്‍, സിദ്ധാർത്ഥ് ഭരതൻ എന്നിവരും നിരവധി പുതുമുഖങ്ങളും ചിത്രത്തില്‍ അണിനിരക്കുന്നു.

– ഇന്ത്യയില്‍ മുന്നിലാര്, 'സ്പൈഡർമാനോ' 'ഒഡീസി'യോ? കളക്ഷൻ റെക്കോർഡ് ആർക്ക്?

നിതീഷ് സഹദേവും അനുരാജ് ഒ.ബിയും ചേർന്നാണ് രചന. ജിംഷി ഖാലിദ് ഛായാഗ്രഹണം നിർവഹിക്കുന്നു. വിഷ്ണു വിജയ് ആണ് സംഗീതം . പ്രൊഡക്ഷൻ കണ്‍ട്രോളർ അരോമ മോഹൻ.