ചൂടില് വാടി തളരുമ്പോള് കുറച്ചു തണുത്ത വെള്ളം കിട്ടിയാല് എന്ത് ആശ്വാസം ആയിരിക്കും, അല്ലേ ? തണുത്ത വെള്ളത്തിനായി സാധാരണയായി മണ്പാത്രങ്ങളെയോ ഫ്രിഡ്ജിനെയോ ആണ് ആളുകള് ആശ്രയിക്കാറുള്ളത്.
എന്നാല് ആരോഗ്യ വശങ്ങള് പരിശോധിക്കുമ്പോള് ഇവയില് ഏതാണ് കൂടുതല് ഗുണകരം എന്ന് നിങ്ങള്ക്ക് അറിയാമോ ? അതൊന്നു നോക്കിയാലോ ?
മണ്പാത്രത്തിലെ വെള്ളമാണ് ഫ്രിഡ്ജിലെ വെള്ളത്തേക്കാള് ആരോഗ്യകരവും സുരക്ഷിതവുമായി കണക്കാക്കപ്പെടുന്നത്. മണ്പാത്രത്തിലെ സുഷിരങ്ങളിലൂടെ വെള്ളം ബാഷ്പീകരിക്കപ്പെടുന്നത് വഴി വെള്ളത്തിന് സ്വാഭാവികമായ തണുപ്പ് ലഭിക്കുന്നു. ഫ്രിഡ്ജിലെ വെള്ളം പോലെ അമിതമായ തണുപ്പ് ഇല്ലാത്തതിനാല് ഇത് തൊണ്ടവേദനയും ചുമയും തടയാൻ സഹായിക്കുന്നു.
പുതിയ വസ്ത്രങ്ങള് കഴുകാതെ ധരിക്കുന്നവരുടെ ശ്രദ്ധയ്ക്ക് ! ഇക്കാര്യങ്ങള് അറിയാതെ പോയാല് പണി കിട്ടും
കളിമണ്ണിന് ആല്ക്കലൈൻ ഗുണമുള്ളതിനാല് വെള്ളത്തിലെ ആസിഡിന്റെ അളവ് കുറയ്ക്കാനും ദഹനം മെച്ചപ്പെടുത്താനും സഹായിക്കുന്നു. മണ്പാത്രത്തില് സൂക്ഷിക്കുന്ന വെള്ളത്തില് കാല്സ്യം, മഗ്നീഷ്യം, ഫോസ്ഫറസ് തുടങ്ങിയ പ്രകൃതിദത്ത ധാതുക്കള് അടങ്ങിയിരിക്കുന്നു. മണ്പാത്രത്തിലെ വെള്ളം കുടിക്കുന്നത് ശരീരത്തിന്റെ ഉപാപചയ പ്രവർത്തനങ്ങളെ ഉത്തേജിപ്പിക്കാൻ സഹായിക്കുന്നു. പ്ലാസ്റ്റിക് കുപ്പികളില് കാണപ്പെടുന്ന ബി.പി.എ പോലുള്ള ഹാനികരമായ രാസവസ്തുക്കള് മണ്പാത്രങ്ങളില് ഇല്ല.
ഫ്രിഡ്ജിലെ വെള്ളം സൗകര്യപ്രദമാണെങ്കിലും അതിന് ചില ദോഷവശങ്ങളുണ്ട്. അമിതമായി തണുപ്പിച്ച വെള്ളം കുടിക്കുന്നത് രക്തക്കുഴലുകള് ചുരുങ്ങുന്നതിനും ഭക്ഷണത്തിലെ കൊഴുപ്പ് കട്ടിയാകുന്നതിനും കാരണമാകും, ഇത് ദഹനത്തെ സാവധാനത്തിലാക്കുന്നു. വെയിലത്ത് നിന്ന് വന്ന് ഉടനെ ഐസ് വെള്ളം കുടിക്കുന്നത് ശരീരത്തിന് ആഘാതം ഉണ്ടാക്കുകയും തൊണ്ടയില് അസ്വസ്ഥതകളുണ്ടാക്കുകയും ചെയ്യും. കൂടാതെ, ഇത് രോഗപ്രതിരോധ ശേഷിയെ ബാധിക്കാനും സാധ്യതയുണ്ട്.
മണ്പാത്രത്തിലെ വെള്ളം ഗുണനിലവാരമുള്ളതായി നിലനിർത്താൻ, ആഴ്ചയിലൊരിക്കല് മൃദുവായ ബ്രഷ് ഉപയോഗിച്ച് പാത്രം കഴുകുകയും വെയിലത്ത് വെച്ച് ഉണക്കുകയും വേണം. ഇത് ബാക്ടീരിയകളെ നശിപ്പിക്കാൻ സഹായിക്കും.