140 രൂപ കുറഞ്ഞ് 13,880 രൂപയാണ് ഒരു ഗ്രാം സ്വർണത്തിന്റെ വില. കഴിഞ്ഞ കുറച്ചു ദിവസങ്ങളായി സ്വർണത്തിന് വലിയ ചാഞ്ചാട്ടങ്ങള്‍ ആണ് സംഭവിച്ചുകൊണ്ടിരിക്കുന്നത്. പശ്ചിമേഷ്യൻ സംഘർഷത്തെ തുടർന്ന് ആഗോള വിപണിയില്‍ ഉണ്ടായ അനിശ്ചിതത്വം തന്നെയാണ് വിലയിലെ ഈ ഏറ്റക്കുറച്ചിലുകള്‍ക്ക് കാരണവും.

ഒരു ദിവസം തന്നെ ഒന്നും രണ്ടും മൂന്നും തവണയാണ് കേരളത്തില്‍ സ്വർണവില ഉയരുന്നത്. വിലയിടിവ് പ്രതീക്ഷിച്ചിരുന്നവർക്ക് തിരിച്ചടി സമ്മാനിച്ചു കൊണ്ടായിരുന്നു ഏപ്രില്‍ ഒന്നിനും വില കൂടിയത്.

കേരളത്തിന്റെ സമഗ്ര വികസനം ലക്ഷ്യം: എല്‍.ഡി.എഫ് പ്രകടനപത്രിക പുറത്തിറക്കി

ഇറാനുമായുള്ള യുദ്ധം ഉടൻ അവസാനിക്കുമെന്ന പ്രഖ്യാപനമാണ് യുഎസ് പ്രസിഡന്റ് ഡൊണാള്‍ഡ് ട്രംപ് നടത്തിയിരിക്കുന്നത്. ഇങ്ങനെ സംഭവിക്കുകയാണെങ്കില്‍ വിലയിലും അത് പ്രതിഫലിക്കും. യുദ്ധം അവസാനിക്കുകയാണെങ്കില്‍ യുഎസ് കേന്ദ്ര ബാങ്കായ ഫെഡറല്‍ റിസർവ് അടിസ്ഥാന പലിശ നിരക്ക് കുറയ്ക്കാനുള്ള സാധ്യതയുമുണ്ട്. ഇത് സ്വർണത്തിന് അനുകൂലമാകും. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വർണ വിലയിലെ റെക്കോർഡ്. ഡിസംബർ 23നാണ് പവൻ വില ആദ്യമായി ഒരു ലക്ഷം കടന്നത്.