11ന് ശേഷം കഴിക്കുന്നവരുമുണ്ട്. ഇത്തരത്തില്‍ വൈകി ഭക്ഷണം കഴിക്കുന്ന ശീലം നമ്മുടെ ശരീരത്തിന് ഒട്ടും നല്ലതല്ല. നമ്മുടെ ശരീരത്തിന് ഒരു ജൈവഘടികാരം ഉണ്ട്.സര്‍ക്കാഡിയന്‍ റിഥം എന്നാണ് അതറിയപ്പെടുന്നത്. അതായത് വ്യക്തമായി പറഞ്ഞാല്‍ നമ്മള്‍ ഉണരുന്നത് മുതല്‍ ഭക്ഷണം ദഹിപ്പിക്കുന്ന വരെയുള്ള കാര്യങ്ങള്‍ നിർണ്ണായിക്കുന്നത് ഈ ഘടികാരമാണ്. എല്ലാരും കിടക്കുന്ന സമയമാണ് 10 മണിക്ക് ശേഷം. ആ സമയത്ത് ഭക്ഷണം കഴിക്കുമ്പോള്‍ ശരീരം വിശ്രമിക്കുന്നതിനു പകരം കൂടുതല്‍ കഠിനാധ്വാനം ചെയ്യുന്നു. ഇത് ശരീരത്തിന്റെ സന്തുലിതാവസ്ഥയെ ദോഷകാരമായി ബാധിക്കുന്നു.

രാത്രി വൈകി ഭക്ഷണം കഴിക്കുന്നത് രക്തസമ്മര്‍ദ്ദം വര്‍ദ്ധിപ്പിക്കുന്നതിനു കാരണമാകുന്നു. കൂടാതെ പഞ്ചസാരയുടെ അളവ് നിയന്ത്രിക്കാനുള്ള ശരീരത്തിന്റെ കഴിവിനെയും ഇത് ബാധിക്കും. പീന്നിട് ഈ ശീലം ഉയര്‍ന്ന രക്തസമ്മര്‍ദ്ദം, ടൈപ്പ് 2 പ്രമേഹം, ഹൃദ്രോഗം എന്നിവയ്ക്കു കാരണമാകുന്നു. ചില പഠനങ്ങള്‍ പ്രകാരം വൈകി കഴിക്കുന്നത് മൂലം പക്ഷാഘാതം വരെ സംഭവിച്ചേക്കാം. ഭക്ഷണം കഴിച്ച്‌ കഴിഞ്ഞ ഉടനെ ഉറങ്ങുന്നത് അസിഡിറ്റിക്കും ആസിഡ് റിഫ്‌ളക്‌സിനും കാരണമാകുന്നു. ആമാശയത്തിലെ ആസിഡ് അന്നനാളത്തിലേക്ക് ഒഴുകുകയും പീന്നിട് നെഞ്ചെരിച്ചിലും അസ്വസ്ഥതയക്കും കാരണമാക്കുന്നു. പകല്‍ മുഴുവന്‍ ജോലി ചെയ്തതിനു ശേഷം ശരീരത്തിന്റെ വിശ്രമത്തിന് രാത്രി സമയം ആവശ്യമാണ്. സാധാരണയായി ഉറക്കത്തില്‍ രക്തസമ്മര്‍ദ്ദവും സ്‌ട്രെസ് ഹോര്‍മോണുകളും കുറയുകയും ശരീരം വിശ്രമിക്കുകയും ചെയ്യുന്നു. പക്ഷേ രാത്രിയില്‍ അമിതമായി ഭക്ഷണം കഴിക്കുമ്പോള്‍ ഈ ഭക്ഷണം ദഹിപ്പിക്കാന്‍ ശരീരത്തിന് അധിക ഊര്‍ജ്ജം ചെലവഴിക്കേണ്ടിവരുന്നു.

പ്രായമായവരിലെ രക്തസമ്മർദ്ദത്തെ തുരത്താം വെറും ബീറ്റ്‌റൂട്ട് ജ്യൂസ് കൊണ്ട്

ആരോഗ്യ വിദഗ്ധര്‍ പറയുന്നത് രാത്രി 7 നും 8 നും ഇടയില്‍ അത്താഴം കഴിക്കണമെന്നാണ്. കൂടാതെ അത്താഴത്തിനും ഉറക്കസമയത്തിനും ഇടയില്‍ കുറഞ്ഞത് 2-3 മണിക്കൂര്‍ ഇടവേള ഉണ്ടായിരിക്കണം. ഇത് ദഹനത്തിന് മതിയായ സമയം നല്‍കുകയും മികച്ച ഉറക്കത്തിന് സഹായിക്കുകയും ചെയ്യും. അത്താഴം ലഘുവായിരിക്കണം. വറുത്തതോ, എണ്ണമയമുള്ളതോ, അമിതമായി മധുരമുള്ളതോ ആയ ഭക്ഷണങ്ങള്‍ അത്താഴത്തിന് കഴിക്കുന്നത് ഒഴിവാക്കുക. അത്താഴത്തില്‍ കൂടുതലായും പയറും പച്ചക്കറികളും, സാലഡ്, മള്‍ട്ടിഗ്രെയിന്‍ റൊട്ടി, കിച്ച്‌ഡി, സൂപ്പ്, തൈര് എന്നിവ ഉള്‍പ്പെടുത്താൻ ശ്രദ്ധിക്കുക.

വിവരങ്ങള്‍ പൊതുവായ അറിവിലേക്കായി മാത്രമുള്ളതാണ്. ഇത് ഒരു വിദഗ്ദ്ധ ഡോക്ടറുടെ പ്രൊഫഷണല്‍ മെഡിക്കല്‍ ഉപദേശത്തിനോ, രോഗനിർണ്ണയത്തിനോ, ചികിത്സയ്ക്കോ പകരമല്ല. ആരോഗ്യപരമായ എന്തെങ്കിലും ബുദ്ധിമുട്ടുകളോ സംശയങ്ങളോ ഉണ്ടെങ്കി യോഗ്യതയുള്ള ആരോഗ്യ വിദഗ്ദ്ധനെ നേരില്‍ കണ്ട് ഉപദേശം തേടുക.