ജസ്പ്രീത് ബുമ്രയെ പോലും നിസ്സഹായനാക്കുവാൻ ഉള്ള കഴിവുള്ള താരമായ വൈഭവിനെ ടീമിലെത്തിക്കാൻ കാലതാമസമുണ്ടാകരുതെന്നും രാജ്യത്തിനു വലിയ സംഭാവനകള്‍ നല്‍കാൻ അദ്ദേഹത്തിന് കഴിയുമെന്നും പത്താൻ പറഞ്ഞു.

ഐപിഎല്ലില്‍ രാജസ്ഥാനെ പ്രതിനിധീകരിക്കുന്ന പതിനഞ്ചുകാരൻ സമൂഹ മാധ്യമങ്ങളില്‍ വൈറലായത് ഇന്നലെ മുംബൈ ഇന്ത്യൻസിനെതിരെ നടത്തിയ പ്രകടനത്തോടെയാണ്. വെറും പതിനൊന്നു ഓവറുകളായി വെട്ടിച്ചുരുക്കിയ മത്സരത്തില്‍ ടി 20 ഫോർമാറ്റിലെ ഏറ്റവും മികച്ച ബൗളറായ ജസ്പ്രീത് ബുംറയെ ആദ്യ പന്തില്‍ തന്നെ സിക്‌സർ പറത്തിയാണ് വൈഭവ് സ്വാഗതം ചെയ്തത്.

: കാണാതെ പോകരുത്! ബുമ്രയെ ഞെട്ടിച്ച സൂര്യവംശിയുടെ തകർപ്പൻ പ്രകടനം

ഞെട്ടിപ്പോയ ബുംറ സ്ലോ ബോളുകള്‍ ഉള്‍പ്പെടെ മറ്റു തന്ത്രങ്ങള്‍ പയറ്റിയെങ്കിലും അതെ ഓവറില്‍ ഒരു സിക്‌സറും കൂടി പറപ്പിച്ച ശേഷമാണ് താരം ബുംറയെ യാത്രയാക്കിയത്. ബുമ്രയ്ക്കേറ്റ അടിയില്‍ പതറിപ്പോയ മുംബൈ നിര ഒടുവില്‍ രാജസ്ഥാനോട് 27 റണ്‍സിന്റെ തോല്‍വി ഏറ്റുവാങ്ങി. ഒരു ഫോറും അഞ്ചു സിക്സറുകളും അടക്കം 14 പന്തില്‍ 39 റണ്‍സ് അടിച്ചെടുത്ത വൈഭവ് ബുമ്രയും ബോള്‍ട്ടും അടങ്ങുന്ന പേരുകേട്ട ബൗളിംഗ് നിറയെ കശക്കിവിട്ടു.

ഈ പ്രകടനത്തോടെ പതിനഞ്ചുകാരനെ എത്രയും വേഗം ഇന്ത്യൻ ടീമില്‍ എത്തിക്കണമെന്ന് മുറവിളി സമൂഹമാധ്യമങ്ങളില്‍ ഉള്‍പ്പടെ ഉയരുകയാണ്. മാസങ്ങള്‍ മാത്രം മുൻപ് അണ്ടർ 19 കിരീടം നേടിയ വൈഭവിന്റെ സീനിയർ ടീമിലേക്കുള്ള പ്രവേശനം വിദൂരമല്ല എന്നാണ് പൊതുവെ ഉള്ള സൂചന.