കരിവേടകം ശങ്കരംപാടി കുളിയംകല്ലിലെ തമ്പായി (75)ക്കാണ് പരിക്കേറ്റത്. ജൂലൈ എട്ട് ബുധനാഴ്ച രാവിലെ 6.10-ഓടെ കുറ്റിക്കോല്‍ ടൗണിലെ ബസ് സ്റ്റോപ്പിലാണ് അപകടമുണ്ടായത്. ഗുരുതരമായി പരിക്കേറ്റ ഇവരെ കാസർകോട് ചെങ്കളയിലെ സഹകരണ ആശുപത്രിയില്‍ പ്രവേശിപ്പിച്ചു.

നിർത്താതെ പോയെന്ന് പരാതി

അപകടം കണ്ടിട്ടും ബസ് നിർത്താതെ ഓടിച്ചുപോയെന്നാണ് പരാതി. തമ്പായിക്കൊപ്പമുണ്ടായിരുന്ന ബന്ധുവായ സ്നേഹ നല്‍കിയ മൊഴിയുടെ അടിസ്ഥാനത്തിലാണ് ബേഡകം പൊലീസ് കേസ് രജിസ്റ്റർ ചെയ്തത്. കെഎല്‍-15-8899 നമ്പർ കെഎസ്‌ആർടിസി ബസിൻ്റെ ഡ്രൈവർ അശ്രദ്ധയോടെയും അലക്ഷ്യമായും ബസ് മുന്നോട്ടെടുത്തതിനെ തുടർന്നാണ് അപകടമുണ്ടായതെന്ന് എഫ്‌ഐആറില്‍ പറയുന്നു.

അപകടം വ്യക്തമായി കണ്ടിട്ടും ഡ്രൈവർ വാഹനം നിർത്താതെ പോയതായും പരാതിയിലുണ്ട്. ഭാരതീയ ന്യായ സംഹിത 281, 125(a) വകുപ്പുകളും മോട്ടോർ വാഹന നിയമത്തിലെ 134(A), 187 വകുപ്പുകളും പ്രകാരമാണ് ഡ്രൈവർക്കെതിരെ കേസെടുത്തിട്ടുള്ളത്.

അപകടം സംഭവിച്ചത് ഇങ്ങനെ

സ്നേഹയും ഭർതൃമാതാവായ തമ്പായിയും വയനാട്ടിലേക്ക് പോകാനാണ് കുറ്റിക്കോല്‍ ടൗണില്‍ എത്തിയത്. ഇവർക്ക് പോകേണ്ടിയിരുന്ന ആദ്യ ബസ് 15 മിനിറ്റ് വൈകിയതിനാല്‍ പൊയിനാച്ചിയില്‍ ഇറങ്ങി മാനന്തവാടി ബസില്‍ മാറിക്കയറാൻ ലക്ഷ്യമിട്ട് പടുപ്പിലേക്കുള്ള പ്രിയദർശിനി ബസില്‍ കയറുകയായിരുന്നു.

ഇതിനിടയില്‍ മറ്റൊരു യാത്രക്കാരി, വൈകിയെത്തുന്ന ആദ്യ ബസ് തന്നെയാണ് ആദ്യം പൊയിനാച്ചിയില്‍ എത്തുകയെന്ന് പറഞ്ഞതിനാല്‍ ഇവർ കയറിയ ബസില്‍ നിന്ന് ഇറങ്ങാൻ തീരുമാനിച്ചു. സ്നേഹയും മറ്റൊരു സ്ത്രീയും ആദ്യം ഇറങ്ങി. പിന്നാലെ തമ്പായി ഇറങ്ങുന്നതിനിടെ ബസ് മുന്നോട്ട് എടുക്കുകയായിരുന്നു.

ഇതോടെ ഇവർ നടുവടിച്ച്‌ റോഡിലേക്ക് വീഴുകയായിരുന്നുവെന്ന് സ്നേഹ പൊലീസിനോട് പറഞ്ഞു. യാത്രക്കാർ ബഹളം വെച്ചിട്ടും ബസ് നിർത്താതെ പോയെന്നും, പിന്നീട് ഡ്രൈവറും കണ്ടക്ടറും തങ്ങള്‍ക്ക് തെറ്റുപറ്റിയെന്ന് ഒരു ബന്ധുവിനെ അറിയിച്ചതായും സ്നേഹ വ്യക്തമാക്കി.

ഈ വാർത്ത നിങ്ങളുടെ സുഹൃത്തുക്കള്‍ക്കും ബന്ധുക്കള്‍ക്കും വാട്സാപ്പ് ഗ്രൂപ്പുകളില്‍ ഷെയർ ചെയ്യുക. ഏറ്റവും പുതിയ വാർത്തകള്‍ക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങള്‍ താഴെ കമൻ്റായി രേഖപ്പെടുത്താം.

Article Summary: A 75-year-old woman, Thambayi, sustained severe injuries after falling from a moving Priyadarshini KSRTC bus at Kuttikol in Kasaragod district on Wednesday (July 8, 2026) morning.

#KasaragodNews #KSRTC #RoadAccident #Kuttikol #KeralaPolice #KeralaNews #AparnaNews