Tuesday, 11 Aug, 3.20 am കേരളകൗമുദി

വാണിജ്യം
ആഗോള റീട്ടെയില്‍ കമ്ബനികളില്‍ ലുലു ഗ്രൂപ്പും

•യു.എ.ഇ.യില്‍ നിന്ന് രണ്ട് കമ്ബനികള്‍

ദുബായ്: ആഗോള റീട്ടെയില്‍ മേഖലയിലെ മുന്‍നിര കമ്ബനികളുടെ പട്ടികയില്‍ ലുലു ഗ്രൂപ്പും. പ്രമുഖ ഓഡിറ്റ് സ്ഥാപനമായ ഡിലോയിറ്റ് പ്രസിദ്ധീകരിക്കുന്നതാണ് ഈ പട്ടിക.

യു.എ.ഇ. റീട്ടെയില്‍ മേഖലയില്‍ നിന്ന് ലുലു ഹൈപ്പര്‍മാര്‍ക്കറ്റും മാജിദ് അല്‍ ഫുത്തൈം ഗ്രൂപ്പിന്റെ ക്യാരിഫോറുമാണ് പട്ടികയില്‍ സ്ഥാനം പിടിച്ചത്. അമേരിക്കന്‍ കമ്ബനിയായ വാള്‍മാര്‍ട്ടാണ് പട്ടികയില്‍ മുന്‍നിരയില്‍. കോസ്റ്റ്കോ ഹോള്‍ സെയില്‍ കോര്‍പ്പറേഷന്‍, ആമസോണ്‍, ദ ക്രോഗര്‍ കമ്ബനി എന്നീ അമേരിക്കന്‍ കമ്ബനികളും

ജര്‍മ്മന്‍ കമ്ബനിയായ ഷ്വാര്‍സ് ഗ്രൂപ്പും തൊട്ടുപി​ന്നി​ലുണ്ട്. പ്രമുഖ സ്വീഡിഷ് ഫര്‍ണ്ണിച്ചര്‍ കമ്ബനിയായ ഐക്കിയ, ഇന്ത്യയിലെ റിലയന്‍സ് റീട്ടെയില്‍ എന്നിവരും പട്ടികയിള്‍പ്പെടുന്നു.

ആഗോള റീട്ടെയില്‍ സ്ഥാപനങ്ങളുടെ പട്ടികയില്‍ ഇടം പിടിച്ച മലയാളി ഉടമസ്ഥതയിലുള്ള ഏക സ്ഥാപനവും ലുലുവാണ്. 191 ഹൈപ്പര്‍മാര്‍ക്കറ്റുകളാണ് ലുലു ഗ്രൂപ്പി​നുള്ളത്.

ആഗോള വാണിജ്യ മേഖലകളെ കൊവിഡ് മന്ദഗതിയിലാക്കുമ്ബോഴും

അബുദാബി ആസ്ഥാനമായ ലുലു ഗ്രൂപ്പ് വിവിധ രാജ്യങ്ങളിലായി കൂടുതല്‍ ഹൈപ്പര്‍മാര്‍ക്കറ്റുകള്‍ ആരംഭിക്കാനുള്ള നീക്കങ്ങളി​ലാണ്.

കഴിഞ്ഞ രണ്ടാഴ്ചക്കുള്ളില്‍ അബുദാബി, ഈജിപ്തിലെ കയ്റോ, ഇന്തോനേഷ്യയില്‍ ജക്കാര്‍ത്ത എന്നിവിടങ്ങളില്‍ മൂന്ന് ഹൈപ്പര്‍മാര്‍ക്കറ്റുകള്‍ ലുലു ഗ്രൂപ്പ് തുറന്നു.

യു.എ.ഇ.യില്‍ മാത്രം അടുത്ത ഒരു വര്‍ഷത്തിനുള്ളില്‍ 8 മുതല്‍ 12 വരെ ഹൈപ്പര്‍മാര്‍ക്കറ്റ് ആരംഭിക്കുമെന്ന് ലുലു ഗ്രൂപ്പ് ചെയര്‍മാന്‍ എം.എ.യൂസഫലി പറഞ്ഞു. മറ്റ് ജി.സി.സി. രാജ്യങ്ങള്‍, ഈജിപ്ത്, ഇന്തോനേഷ്യ, മലേഷ്യ

എന്നിവിടങ്ങളിലും ഹൈപ്പര്‍മാര്‍ക്കറ്റുകള്‍ തുടങ്ങും. കൊവി​ഡ് വ്യാപനം വെല്ലുവി​ളി​യായി​ട്ടുണ്ടെങ്കി​ലും പ്രവര്‍ത്തനം വിപുലീകരിക്കുവാനാണ് ഉദ്ദേശിക്കുന്നതെന്ന് യൂസഫലി പറഞ്ഞു.

തൃശൂര്‍, കോട്ടയം, കാസര്‍കോട്, പെരിന്തല്‍മണ്ണ, പാലക്കാട്, കോഴിക്കോട് എന്നിവിടങ്ങളിലുംഹൈപ്പര്‍ മാര്‍ക്കറ്റുകള്‍ക്കുള്ള പ്രാരംഭ നടപടികള്‍ ആരംഭിച്ചിട്ടുണ്ടെന്നും യൂസഫലി അറിയിച്ചു.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Kerala Kaumudi
Top