Friday, 03 Jul, 4.11 pm കേരളകൗമുദി

ലേറ്റസ്റ്റ് ന്യൂസ്
ആരോ ഒരാള്‍ കള‌ളം പറയുന്നു: മോദിക്കെതിരെ രാഹുല്‍ വീണ്ടും

ന്യൂഡല്‍ഹി : ലഡാക്കിലെ ഇന്ത്യാ-ചൈനാ സംഘര്‍ഷത്തില്‍ പ്രധാനമന്ത്രി നരേന്ദ്രമോദിയെ വീണ്ടും രൂക്ഷമായി വിമര്‍ശിച്ച്‌ കോണ്‍ഗ്രസ് നേതാവ് രാഹുല്‍ ഗാന്ധി രംഗത്തെത്തി. ട്വിറ്ററിലൂടെയായിരുന്നു രാഹുലിന്റെ വിമര്‍ശനം. ലഡാക്കിലുള‌ളവര്‍ പറയുന്നു "ചൈന നമ്മുടെ ഭൂമി പിടിച്ചെടുത്തെന്ന്. എന്നാല്‍ പ്രധാനമന്ത്രി പറയുന്നു നമ്മുടെ ഭൂമി ആരും പിടിച്ചെടുത്തില്ലെന്ന് . തീര്‍ച്ചയായും ആരോ ഒരാള്‍ കള‌ളം പറയുകയാണ് " - ഇതായി​രുന്നു രാഹുലി​ന്റെ ട്വീറ്റ്.

ട്വീറ്റിനൊപ്പം ലഡാക്ക് സംസാരിക്കുന്ന എന്ന പേരിലുള‌ള ഒരു വീഡിയോയും നല്‍കിയിട്ടുണ്ട്. ലഡാക്ക് പറയുന്നു നമ്മുടെ ഭൂമി പിടിച്ചെടുത്തു. ഇരുപത് ഇന്ത്യന്‍ പട്ടാളക്കാര്‍ വീരമൃത്യുവരിച്ചു എന്ന്. എന്തുകൊണ്ടാണ് പ്രധാനമന്ത്രി ഇക്കാര്യത്തില്‍ നിശബ്ദത പാലിക്കുന്നത് എന്ന ചോദ്യത്തോടെയാണ് വീഡിയോ അവസാനിക്കുന്നത്. ഗല്‍വാന്‍ താഴ്‌വരയില്‍ ചൈനയുമായുളള സംഘര്‍ഷത്തില്‍ ഇരുപത് ഇന്ത്യന്‍ സൈനികര്‍ വീരമൃത്യുവരിച്ചതിനുശേഷം കേന്ദ്രസര്‍ക്കാരിനെതിരെ രാഹുല്‍ ഗാന്ധി തുടര്‍ച്ചയായ വിവമര്‍ശനങ്ങളാണ് ഉയര്‍ത്തുന്നത്.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Kerala Kaumudi
Top