കാഞ്ഞങ്ങാട്: കാസർകോട് ജില്ലാ ബാസ്‌ക്കറ്റ് ബോള്‍ അസോസിയേഷനും കേരള ബാസ്‌ക്കറ്റ് ബോള്‍ അസോസിയേഷനും ചേർന്ന് സംയുക്തമായി സംഘടിപ്പിക്കുന്ന 42-ാം മത് സംസ്ഥാന യൂത്ത് ബാസ്‌ക്കറ്റ് ബാള്‍ ചാമ്പ്യൻഷിപ്പ് മേയ് 6 മുതല്‍ 10 വരെ തീയ്യതികളില്‍ കാഞ്ഞങ്ങാട് നടക്കും.

കെ.പി അരവിന്ദാക്ഷനില്‍ നിന്നും ആദ്യഫണ്ട് ഫിനാൻസ് കമ്മിറ്റി കണ്‍വീനർ കെ.സുനില്‍ ഏറ്റുവാങ്ങി.അസോസിയേഷൻ ജില്ലാ സെക്രട്ടറി ശ്രീനിവാസൻ, ജില്ലാ സ്‌പോർട്‌സ് ഓഫീസർ എം.എസ്. സുധീപ് ബോസ്, പ്രോഗ്രാം കമ്മിറ്റി കണ്‍വീനർ അനില്‍ ബങ്കളം, ദിനേശൻ മാസ്റ്റർ, കെ.ശരത് എന്നിവർ സംബന്ധിച്ചു.ആറിന് വൈകിട്ട് 6ന് മുൻ കായിക മന്ത്രി ഇ.പി. ജയരാജൻ ഉദ്ഘാടനം ചെയ്യും. അലാമിപ്പള്ളി പുതിയ ബസ്റ്റാൻഡ് പരിസരത്ത് പുതുതായി ഇൻഡോർ സ്റ്റേഡിയത്തിലും കാഞ്ഞങ്ങാട് ക്രൈസ്റ്റ് എസ്.ഐ.എം.ഐ പബ്ലിക് സ്‌കൂളിലുമായി നടക്കുന്ന ചാമ്പ്യൻഷിപ്പില്‍ 14 ജില്ലകളിലെ പുരുഷ,വനിതാ ടീമുകള്‍ പങ്കെടുക്കും.