ആദ്യമായാണ് ദിലീപ് ചിത്രത്തിന്റെ റീ റിലീസ്. എക്കാലത്തെയും പ്രിയപ്പെട്ട കോമഡി എന്റർടെയ്നറുകളില്‍ ഒന്നായ 'കല്യാണരാമൻ' വീണ്ടും ബിഗ് സ്ക്രീനിലേക്ക് എത്തുമ്പോള്‍ പ്രേക്ഷകർ ഏറെ ഉറ്റുനോക്കുന്നത് ചിത്രത്തിലെ രാമൻകുട്ടിയും പോഞ്ഞിക്കരയും പ്യാരിയും ഒന്നിക്കുന്ന ദിലീപ്- ഇന്നസെന്റ്- സലിംകുമാർ കോമ്പിനേഷൻ തന്നെയാകും.

കുഞ്ചാക്കോ ബോബൻ, ലാലു അലക്സ്, ലാല്‍, നവ്യ നായർ, ജ്യോതിർമയി , ബോബൻ ആലുമ്മൂടൻ, ഉണ്ണിക്കൃഷ്ണൻ നമ്പൂതിരി, കൊച്ചുപ്രേമൻ തുടങ്ങിയവരാണ് മറ്റ് താരങ്ങള്‍. കൈതപ്രം രചിച്ച ഹിറ്റ് ഗാനങ്ങള്‍ക്ക് സംഗീതം പകർന്നത് ബേണി-ഇഗ്നേഷ്യസ് ആണ്. പി.സുകുമാർ ആണ് ഛായാഗ്രഹണം . എഡിറ്റിംഗ് ഹരിഹരപുത്രൻ . ബെന്നി പി. നായരമ്പലം കഥയും തിരക്കഥയും സംഭാഷണവും ഒരുക്കിയ ചിത്രം ലാല്‍ ക്രിയേഷൻസിന്റെ ബാനറില്‍ ലാല്‍ ആണ് നിർമ്മിച്ചത്. ഹൈ സ്റ്റുഡിയോസാണ് ഡോള്‍ബി അറ്റ് മോസ് ശബ്ദമികവില്‍ ഒരുക്കുന്നത്. പി.ആർ.ഒ: പി.ശിവപ്രസാദ്