Wednesday, 08 Jul, 12.50 am കേരളകൗമുദി

പ്രാദേശികം
കെ.സി.ഇ.എഫ് പ്രതിഷേധ ധര്‍ണ

പെരുമ്ബാവൂര്‍: സഹകരണ മേഖലയുടെ പ്രതിസന്ധി പരിഹരിക്കണമെന്ന് ആവശ്യപ്പെട്ട് കേരള കോ-ഓപ്പറേറ്റീവ് എംപ്ലോയിസ് ഫ്രണ്ട് കുന്നത്തുനാട് താലൂക്ക് കമ്മിറ്റിയുടെ (കെ.സി.ഇ.എഫ്) നേതൃത്വത്തില്‍ താലൂക്ക് അസിസ്റ്റന്റ് രജിസ്ട്രാര്‍ ഓഫീസിനു മുന്നില്‍ പ്രതിഷേധ ധര്‍ണ നടത്തി. കെ.പി.സി.സി. ജനറല്‍ സെക്രട്ടറി സക്കീര്‍ ഹുസൈന്‍ സമരം ഉദ്ഘാടനം ചെയ്തു. സഹകരണ ബാങ്കുകളിലെ നിഷേപങ്ങളുടെ പലിശ നിരക്ക് കുറയ്ക്കുന്നത് പിന്‍വലിക്കുക, ആദായ നികുതി വകുപ്പിന്റെ കടന്നുകയറ്റം അവസാനിപ്പിക്കുക, സഹകരണ സംഘം ജീവനക്കാരുടെ ശമ്ബള പരിഷ്‌കരണം നടപ്പിലാക്കുക,1:4 നിയമം ഭേദഗതി ചെയ്യുക തുടങ്ങിയ സഹകരണസംഘം ജീവനക്കാരുടെ അവകാശങ്ങള്‍ നടപ്പിലാക്കണമെന്ന് സര്‍ക്കാരിനോട് ആവശ്യപ്പെട്ടു. യോഗത്തില്‍ ഡി.സി.സി. വൈസ് പ്രസിഡന്റ് മനോജ് മൂത്തേടന്‍, ടി.എ. സാജു, പി.ഡി. പീറ്റര്‍, ജോജോ വര്‍ഗീസ്, ബേബി തോപ്പിലാന്‍, ജിജോ വര്‍ഗീസ് തുടങ്ങിയവര്‍ സംസാരിച്ചു.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Kerala Kaumudi
Top