കിഴക്കമ്ബലം: ഷോപ്പിംഗിനായി തിരക്കുള്ള നഗരങ്ങളില് അലയേണ്ട, ഷോപ്പിംഗ് ഒരനുഭവമാക്കാന് കിഴക്കമ്ബത്തുകാര്ക്കായി നാല് മള്ട്ടിപ്ളെക്സ് തീയറ്ററടക്കം മാളും, ആധുനിക ഉപകരണങ്ങളുമായി കുട്ടികളുടെ പാര്ക്കും, ബ്രാന്ഡ് ഉല്പന്നങ്ങളുടെ എക്സ്ക്ളൂസീവ് ഷോപ്പുകളുമായി പഞ്ചായത്തു മാര്ക്കറ്റില് ബഹുനില മന്ദിരം നിര്മ്മിക്കാന് ട്വന്റി20 രൂപ രേഖ തയ്യാറാക്കി. പതിറ്റാണ്ടുകള് പഴക്കമുള്ള മാര്ക്കറ്റിലെ മുഴുവന് പഞ്ചായത്തു വക വ്യാപാര സമുച്ചയങ്ങളും പൊളിച്ചു മാറ്റി കിഴക്കമ്ബലത്തിന്റെ മുഖച്ഛായ മാറ്റാണ് പദ്ധതിയൊരുക്കുന്നത്. നിലവിലുള്ള കെട്ടിടങ്ങളും കടമുറികളും മേച്ചില് ഷീറ്റുകള് തകര്ന്നതും കോണ്ക്രീറ്റുകള് പൊട്ടിപ്പൊളിഞ്ഞ നിലയിലുമാണ്.
നാല് മള്ട്ടിപ്ളെക്സ് തീയര്
കുട്ടികളുടെ പാര്ക്ക്
എക്സ്ക്ളൂസീവ് ഷോപ്പുകള്
അതിവേഗത്തില് വ്യാപാര സമുച്ചയം നിര്മ്മിക്കും
മുറികള് ഒഴിയുന്നതിന് വ്യാപാരികള്ക്ക് പഞ്ചായത്ത് നോട്ടീസ് നല്കി. കടമുറികള് ഒഴിയുന്ന മുറയ്ക്ക് അതിവേഗത്തില് വ്യാപാര സമുച്ചയം നിര്മ്മിക്കും. ആദ്യകാലത്ത് വാടകയ്ക്കെടുത്തവരില് വിരലിലെണ്ണാവുന്നവര് മാത്രമാണ് ഇപ്പോഴും കച്ചവടം നടത്തുന്നത്. മറ്റുള്ളവര് പലരില് നിന്നുമായി ലക്ഷങ്ങള് കൊടുത്ത് കടമുറികള് സ്വന്തമാക്കി വ്യാപാരം തുടങ്ങിയവരാണ്.
രണ്ടു വര്ഷം കൊണ്ട് പൂര്ത്തിയാക്കും
നിര്മ്മാണം തുടങ്ങിയാല് രണ്ടു വര്ഷം കൊണ്ട് പൂര്ത്തിയാക്കും. പ്രമുഖ ജ്വല്ലറി, ടെക്സ്റ്റൈല്, ബ്രാന്ഡഡ് കമ്ബനികള്, റെസ്റ്റോറന്റുകള് തുടങ്ങിയവ കിഴക്കമ്ബലത്തേക്കെത്താന് സന്നദ്ധരായി എത്തിയിട്ടുണ്ട്.
സാബു എം.ജേക്കബ് ചീഫ് കോ ഓര്ഡിനേറ്റര്, ട്വന്റി 20 കിഴക്കമ്ബലം